ព្រឹកថ្ងៃ​នេះ បញ្ជូន​ក្មេងស្ទាវ​មាន​ជម្លោះ​ជាមួយ​ឧត្តមសេនីយ៍ឯក នន្ទ សុខា ទៅ​កាន់​តុលាការ

ចែករំលែក៖

ភ្នំពេញ៖ នៅព្រឹកថ្ងៃទី២១ វិច្ឆិកា ២០១៦នេះ បានកម្លាំងអាវុធហត្ថបញ្ជូនក្មេងស្ទាវដែលមានជម្លោះជាមួយលោកឧត្តមសេនីយ៍ឯក នន្ទ សុខា មេបញ្ជាការរងកងរាជអាវុធហត្ថលើផ្ទៃប្រទេស ទៅកាន់តុលាការដើម្បីចាត់ការតាមនីតិវិធីច្បាប់ បន្ទាប់ពីឃុំខ្លួននិងសាកសួរនៅទីបញ្ជាការដ្ឋានអាវុធហត្ថរាជធានីភ្នំពេញ ក្រោយពីប្រើពាក្យសម្ដីមិនសមរម្យទៅលើលោកមេបញ្ជាការរងកងរាជអាវុធហត្ថលើផ្ទៃប្រទេស។

យុវជនស្ទាវខាងលើត្រូវបានគេស្គាល់ថា ជាមន្ត្រីយោធា ដែលទើបតែបញ្ចប់ការសិក្សាផ្នែកកងទ័ពជើងគោក នៅសាលាថ្លុកតាសេក ក្នុងខេត្តកំពង់ស្ពឺ និងជាកូនលោកវេជ្ជបណ្ឌិតមួយរូប។

គួរបញ្ជាក់ថា កាលពីយប់ថ្ងៃទី១៨ ខែវិច្ឆិកា ឆ្នាំ២០១៦ មានរឿងរ៉ាវគួរឱ្យភ្ញាក់ផ្អើល ខណៈដែលយុវជនឈាមរាវម្នាក់អាយុប្រហែលជាង២០ឆ្នាំ មិនដឹងថាជាកូនអ្នកធំ ឬកូនអ្នកមានទ្រព្យសម្បត្តិ ក្រោយពេលស្រវឹងស្រាខ្លាំងបានបើករថយន្តបម្រុងបុករថយន្តរបស់លោកឧត្តមសេនីយ៍ឯក នន្ទ សុខា មេបញ្ជាការរងកងរាជអាវុធហត្ថលើផ្ទៃប្រទេស នៅម្តុំផ្សារធំថ្មី ក្នុងខណ្ឌដូនពេញ បន្ទាប់មកក៏មានការអន្តរាគមន៍ពីកម្លាំងកងរាជអាវុធហត្ថខណ្ឌ ចុះទៅឃាត់ខ្លួនយុវជនស្ទាវខាងលើបានភ្លាមៗតែម្តង។

លោកឧត្តមសេនីយ៍ឯក នន្ទ សុខា បានបញ្ជាក់ហើយនិងបានអំពាវនាវយ៉ាងទទូចថា សូមកុំឲ្យមានការអន្តរាគមន៍ណាមួយឱ្យសោះ ព្រោះករណីនេះសូមទុកឲ្យសមត្ថកិច្ច និងតុលាការចាត់ការតាមច្បាប់ចុះ ៕

stev-3 stev-5 stev-4 stev-2 stev-1

ដោយ៖ ចេស្តា

...


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print