ភ្នំពេញ៖ គណៈកម្មាធិការជាតិរៀបចំការបោះឆ្នោត(គ.ជ.ប) ចេញសេក្ដីប្រកាសលទ្ធផលបណ្តោះអាសន្ននៃការចុះឈ្មោះបោះឆ្នោត ដើម្បីរៀបចំបញ្ចីបោះឆ្នោតថ្មី ឆ្នាំ២០១៦ ដែលគិតចាប់ពីថ្ងៃទី១ ខែកញ្ញា ឆ្នាំ២០១៦ រហូតមកដល់ថ្ងៃទី២៨ខែវិច្ឆិកា ឆ្នាំ២០១៦ ត្រឹមម៉ោង៦ល្ងាចម្សិលមិញនេះ មានប្រជាពលរដ្ឋដែលមកចុះឈ្មោះបោះឆ្នោត ចំនួន ៧,៧៦៤,៦៥៣នាក់ នឹងត្រូវពន្យារការចុះឈ្មោះបោះឆ្នោត ១ថ្ងៃទៀត នៅគ្រប់ឃុំ-សង្កាត់ ហើយបញ្ចប់ត្រឹមថ្ងៃពុធ ទី៣០ ខែវិច្ឆិកា ឆ្នាំ២០១៦ វេលាម៉ោង៦ល្ងាច។

ការសម្រេចនេះធ្វើឡើងនៅក្រោយពី គ.ជ.ប ប្រជុំ ពិសេសសម្រេចលើការស្នើសុំពន្យារពេលចុះឈ្មោះបោះឆ្នោត នៅព្រឹកថ្ងៃទី២៩ វិច្ឆកា ២០១៦នេះ៕