កីឡាការិនីឈឿង លីណារំពឹងឈ្នះមេដាយមាសកីឡាស៊ីហ្គេមនៅឆ្នាំនេះ

រាជធានីភ្នំពេញ ស្ថិតនៅក្នុងសំលៀកបំពាក់តៃក្វាន់ដូ ស្ទាយកូរ៉េខាងត្បូងកីឡាការិនីឈឿង លីណា អតីតម្ចាស់ មេដាយសំរឹទ្ធិ ព្រឹត្តិការណ៍ស៊ីហ្គេមលើកទី២៧ នៅឯមីយ៉ាន់ម៉ា កាលពីឆ្នាំ២០១៣កន្លងទៅបានប្រាប់ភ្នាក់ងារ យកព័ត៌មានកាសែតនគរវត្តឲ្យដឹងកាលពីល្ងាច ថ្ងៃព្រហស្បតិ៍ ទី១៥ ខែមិថុនា ឆ្នាំ២០១៧ ក្រោយបញ្ចប់ការ ហ្វឹកហាត់ថា «ឆ្នាំនេះនាងនឹងមានសង្ឃឹមអាចដណ្តើមយកមេដាយខ្ពស់នៅ ក្នុងព្រឹត្តិការណ៍ប្រកួតកីឡាស៊ីហ្គេម លើកទី២៩ឲ្យខានតែបាន បើទោះបីនាងបានអវត្តមានចូលរួមប្រកួតព្រឹត្តិការណ៍ កាលពីឆ្នាំ២០១៥ នៅឯ ប្រទេសសិង្ហបុរីក៏ដោយចុះ ។

កីឡាការិនី ឈឿងនលីណា បានប្រាប់ឲ្យដឹង មុនឈានដល់ការប្រកួតស៊ីហ្គេមលើកទៅ២៩នេះ ក្រុមអត្តពលិកតេក្វាន់ដូ W T F កម្ពុជា មានបេសកម្មមួយ ចេញទៅហ្វឹកហាត់នៅសាធារណរដ្ឋកូរ៉េ រយៈពេលជាង១ខែ និងមានការប្រកួតចំនួន៣កម្មវិធីនៅទីនោះផងដែរ។ ការប្រកួតនេះគឺជាឱកាសបំពេញបន្ថែមចំពោះភាពខ្វះចន្លោះ ទាំងបច្ចេកទេស កម្លាំង នេះគឺជាមូលហេតុដែល កីឡាការិនីរូបដ៏ស្រស់ស្អាត់នេះ កាន់តែមានជំនឿចិត្តខ្ពស់ សម្រាប់ការប្រកួតដណ្តើមយកមេដាយមាស នៅព្រឹត្តិការណ៍កីឡាស៊ីហ្គេមលើកទី២៩ ដែលនឹងចាប់ផ្តើមពីថ្ងៃទី១៩ដល់ថ្ងៃទី៣១ខែសីហាឆ្នាំ២០១៧នេះ ។

កីឡាការិនី រូបនេះបានបញ្ជាក់ថា ចំពោះការខកខានចូលរួម បហ្រកួតកីឡាស៊ីហ្គេមកន្លងមក ដោយសារនាង មមាញឹកនិងការសិក្សា ប៉ុន្តែឆ្នាំនេះ នាងបានដាក់ចិត្តថា និងព្យាយាមឲ្យអស់ពីកម្លាំងកាយចិត្ត ដើម្បីដណ្តើមយកមេដាយកម្រិតខ្ពស់បំផុតមកជូនជាតិ តាមរយៈការប្រកួតសម្លែង មេគុនឯកត្តជន នារី ។

តាមរបាយការណ៍ របស់មជ្ឈមណ្ឌលជាតិហ្វឹកហ្វឺនកីឡា បានបង្ហាញឲ្យដឹងថា ក្រសួងអប់រំយុវជននិងកីឡាបានត្រៀមបញ្ជូនអត្តពលិក របស់ខ្លួន ទៅចូលរួមព្រឹត្តិកាណ៍កីឡាប្រកួតស៊ីហ្គេមលើកទី២៩ នៅទីក្រុងកូឡាឡាំពូ ប្រទេស ម៉ាឡេស៊ី ប្រមាណ២៨ប្រភេទកីឡា ដែលមានអត្តពលិកប្រមាណជិត៤០០នាក់ ក្នុងនោះកីឡាតេក្វាន់ដូ WTFត្រូវបានថ្នាក់ដឹកនាំរំពឹងថា ជួយរំកិលលេខរៀងឲ្យកម្ពុជា នៅក្នុងតំបន់អាស៊ីអាគ្នេយ៍ផងដែរ ៕ សារីម

imddfage1

image1

idddmage1

ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print