បេក្ខភាពប្រធានាធិបតីអាមេរិក មកពីគណបក្សសាធារណរដ្ឋ លោកដូណាល់ត្រាំ បានបញ្ជាក់ថា នឹងមិនចូលរួមកិច្ចប្រជុំ G-20 នៅចិននោះឡើយ ក្រោយពេលចិនមានសកម្មភាពមិនគោរពដល់ប្រធានាធិបតីអូបាម៉ា ។
សារព័ត៌មាន Telegraph បានផ្សាយថា លោកអូបាម៉ា មិនត្រូវបានក្រាលកម្រាលព្រំទទួលនៅប្រលានយន្តហោះដូចមេដឹកនាំ ១៨ប្រទេសផ្សេងទៀតដោយលោកអូបាម៉ា ត្រូវចុះពីយន្តហោះតាមទ្វាក្រោយ ។ តើសកម្មភាពខាងលើសមជាមេដឹកនាំមហាអំណាចទី១លើពិភពលោកដែរឬទេ?
លោកដូណាល់ត្រាំ បានបញ្ជាក់ថា សូម្បីតែជណ្តើធម្មតាក៏មិនឲ្យលោកអូបាម៉ាចុះពីយន្តហោះដោយស្រួលដែរ។ នៅក្នុងរូបភាពមេដឹកនាំទាំងអស់មានរូបយ៉ាងស្រស់ស្អាត់ពេលចុះពីយន្តហោះ លើកលែងតែលោកអូបាម៉ា មួយទេ ចុះពីជណ្តើរក្រោយយន្តហោះ។ លោកត្រាំ បញ្ជាក់ទៀតថា បើជារូបវិញនឹងបិទទ្វាយន្តហោះហើយចាកចេញពីទីនោះវិញភ្លាមៗមិនឲ្យគេមើលងាយឡើយ។
នេះមិនម៉ែនជាលើកទីមួយឡើយដែលលោកត្រាំប្រកាសថា លោកអូបាម៉ាត្រូវបានគេទទួលស្វាគមន៍ដោយខ្វះការគោរព ពីមេដឹកនាំជុំវិញពិភពលោក។ កន្លងមកនៅក្នុងដំណើរទស្សនកិច្ចទៅកាន់ប្រទេសគុយបាក៏ដូចគ្នាដែរ គឺមេដឹកនាំគុយបា មិនបានមកទទួលនៅប្រលានយន្តហោះដូចមេដឹកនាំដទៃទៀតដែលទស្សនកិច្ចទៅកាន់ប្រទេសគុយបានោះទេ ។ ក្រៅពីនេះនៅមានដំណើរទស្សនកិច្ចទៅកាន់ប្រទេសសាឌីអារ៉ាប៊ីសក៏ដូចគ្នាដែរ៕
ប្រែសម្រួល៖ ម៉ែវ សាធី