ភ្នំពេញ៖ បុរសម្នាក់បេីករថយន្ដ TYOTA Vitz ស្របពេលភ្លៀងកំពុងតែក៏រេចង្កូតទៅបុកក្បាលព្រួញពុះចែកទ្រូងផ្លូវបណ្ដាលខ្ទាតចេញមួយកង់ ចំណែករថយន្ដរងការខូចខាតផ្នែកពីមុខយ៉ាងដំណំ តែសំណាងល្អក្នុងហេតុការណ៍នេះមិនបង្កគ្រោះថ្នាក់ដល់មនុស្សទេ។
ហេតុការណ៍នេះបានកើតឡើងកាលពីវេលាម៉ោង១២និង ៤០នាទី រំលងអធ្រាត្រឈានចូល ថ្ងៃទី០៩ ខែតុលា ឆ្នាំ២០២៥ ស្ថិតតាមបណ្ដោយផ្លូវ២៧៣ សង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ។
តាមប្រភពបានអោយដឹងថាមុនពេលកើតហេតុមានរថយន្ដម៉ាក TYOTA Vitz ពណ៌ទឹកប្រាក់ ពាក់ផ្លាកលេខភ្នំពេញ 2BV-4975 បើកបរដោយបុរសម្នាក់ធ្វើដំណើរក្នុងស្ថានភាពមេឃកំពុងតែធ្លាក់ភ្លៀង តាមតាមបណ្ដោយផ្លូវ២៧៣ ទិញដៅពីកើតមកលិចក្នុងល្បឿនលឿនរហូតមកដល់ចំណុចកើតហេតុបើកខ្វះការប្រុងប្រយ័ត្នក៏បានរេចង្កូតមកឆ្វេងជ្រុលទៅបុកក្បាលព្រួញពុះចែកទ្រូងផ្លូវពេញទំហឹងបណ្ដាលអោយខ្ទាតចេញមួយកង់ទៅខាងផ្លូវម្ខាង ធ្វើអោយរថយន្ដខ្ទេចពីខាងមុខយ៉ាងដំណំ រួមជាមួយនិងដាច់កង់ចេញម្ខាងផងដែរ ។
ក្រោយពេលកេីតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញចុះមកធ្វើការវាស់វែងយករថយន្ត ទៅរក្សាទុករង់ចាំការដោះស្រាយនៅពេលក្រោយ ៕
ដោយ ៖ ភារ៉ា ដង្កោ
