ភ្នំពេញ៖ បុរសម្នាក់កំពុងតែហូបបាយសុខៗស្រាប់តែខ្យល់គបណ្តាលឲ្យដាច់ខ្យល់ស្លាប់ភ្លាមៗនៅក្រោមស្ពានជ្រោយចង្វា បង្កការភ្ញាក់ផ្អើលនៅវេលាម៉ោង១១ និង៣០នាទីព្រឹកថ្ងៃទី៧ ខែកញ្ញា ឆ្នាំ២០១៦ ស្ថិតនៅត្រង់ចំណុចក្រោមស្ពានជ្រោយចង្វា ក្នុងសង្កាត់ស្រះចក ខណ្ឌដូនពេញ។

តាមសម្ដីរបស់ប្រពន្ធជនរងគ្រោះបានប្រាប់ថា ពួគគាត់មានគ្នា៤នាក់មកពីខេត្តដល់ចំណុចខាងលើក៏ឈប់សម្រាក់ហូបបាយ ខណៈកំពុងតែហូបបាយជុំគ្នាជាមួយប្ដី និងកូន២នាក់ស្រាប់តែប្ដីរបស់គាត់ខ្យល់គរហូតដាច់ខ្យល់នៅនឹងកន្លែងតែម្តង។

បច្ចុប្បន្នមន្ត្រីនគរបាលជំនាញបានចុះទៅកន្លែងកើតហេតុ និងទំនាក់ទំនងទៅខាងជំនាញដើម្បីចុះមកត្រួតពិនិត្យសព៕

ដោយ៖ ស ដារ៉ា