ភ្នំពេញ៖ ក្មេងប្រុសអាយុ១២ឆ្នាំម្នាក់បានលងទឹកស្លាប់បន្ទាប់ពីរូបគេនិងមិត្តភក្តិមានគ្នា៥នាក់នាំគ្នាទៅឃ្វាលគោ ហើយបានចុះលេងទឹកត្រពាំង កាលពីពីវេលាម៉ោង៩ និង៣០នាទីព្រឹកថ្ងៃទី៧ ខែកញ្ញា ឆ្នាំ២០១៦ នៅសង្កាត់ភ្លើងឆេះរទះ ខណ្ឌពោធិ៍សែនជ័យ។

ជនរងគ្រោះឈ្មោះឆន សំណាង ភេទប្រុស អាយុ១២ឆ្នាំ ជាសិស្ស មានឪពុងឈ្មោះឆន ទូច ភេទប្រុស អាយុ៤៧ឆ្នាំ មុខរបរបើកបររថយន្ត ចំណែកម្តាយឈ្មោះណប់ ស្រីនាង អាយុ៤៤ឆ្នាំ មុខរធ្វើការោងចក្រ ស្នាក់នៅសង្កាត់ភ្លើងឆេះរទះ ខណ្ឌពោធិ៍សែនជ័យ។

តាមការៀបរាប់ពីក្មេងៗដែលទៅឃ្វាលគោរជាមួយគ្នាបានឲ្យដឹងថា នៅមុនពេលកើតហេតុពួកគេមានគ្នា៥នាក់បានទៅមើកគោនៅវាលស្រែ បន្ទាប់មកមានក្មេងប្រុស២នាក់បានរត់ទៅដេញគោររបស់គេដោយនៅសល់៣នាក់នៅអង្គុយលេងជិតមាត់ត្រពាំងមួយកន្លែង ក្រោយមកឈ្មោះឆន សំណាង បានចុះទៅលេងទឹកត្រពាំងតែម្នាក់ឯងដោយ២នាក់ទៀតអង្គុយខាងលើ  ខណៈកំពុងលេងទឹកសុខៗស្រាប់តែលង់ទឹកពេលនោះក្មេងៗដែលនៅខាងលើឃើញដូចនេះទើបនាំគ្នារត់ទៅប្រាប់អ្នកភូមិដើម្បីសង្គ្រោះតែដោយអកុសល់ជនរងគ្រោះបានស្លាប់បាត់ទៅហើយ។

ក្រោយកើតហេតុសពត្រូវបានអ្នកភូមិសែងយកទៅផ្ទះនិងរាយការណ៍ទៅសមត្ថកិច្ចដើម្បីពិនិត្យជាក់ស្តែងសមត្ថកិច្ចជំនាញ់បានបញ្ជាក់ថាសពជនរងគ្រោះពិតជាស្លាប់ដោយសារលង់ទឹកពិតប្រាកដមែនទើបប្រគល់ឲ្យក្រុមគ្រួសារធ្វើបុណ្យតាមប្រពៃណី៕

ដោយ៖ សុខាសែន័យ