យោងតាមរបាយការណ៍ថ្មីមួយបានឱ្យដឹងថា ប្រទេសចិនដីគោកបានឃើញចំនួនមហាសេដ្ឋីរបស់ខ្លួនកើនឡើង 5.6% កាលពីឆ្នាំមុនដល់ចំនួន321 នាក់។

បើយោងតាមរបាយការណ៍ថ្មីៗនេះដោយក្រុមហ៊ុនវិភាគទិន្នន័យAltrata ដែលមានមូលដ្ឋាននៅទីក្រុងញូវយ៉ក ចំនួនមហាសេដ្ឋីខាងលើធ្វើឱ្យចិនក្លាយជាទឹកដីធំបំផុតទីពីរសម្រាប់មហាសេដ្ឋីនៅពីក្រោយសហរដ្ឋអាមេរិកជាមួយនឹងចំនួនមហាសេដ្ឋី 1,135នាក់ គិតត្រឹមឆ្នាំមុន។

មហាសេដ្ឋីចិនដីគោកមានទ្រព្យសម្បត្តិសរុបប្រហែល 1.29 ទ្រីលានដុល្លារ ខណៈដែលសមភាគីអាមេរិករបស់ពួកគេមាន 5.74 ទ្រីលានដុល្លារ។

ប្រទេសអាឡឺម៉ង់ជាប់ចំណាត់ថ្នាក់លេខ 3 ជាមួយនឹងមហាសេដ្ឋីចំនួន 184 នាក់ តាមពីក្រោយដោយចក្រភពអង់គ្លេស និងរុស្ស៊ី ដែលមានចំនួន 128 នាក់។

ក្រុមហ៊ុន Altrata បាននិយាយថា ផលប័ត្ររបស់ជនជាតិចិនដែលមានទ្រព្យសម្បត្តិច្រើនជាងគេត្រូវបានជះឥទ្ធិពលដោយវិបត្តិផ្នែកអចលនទ្រព្យ សម្ពាធបទប្បញ្ញត្តិ ការប្រើប្រាស់ក្នុងស្រុកកាន់តែទន់ខ្សោយ និងទីផ្សារមូលធនដែលប្រែប្រួល។

ចំនួនមហាសេដ្ឋីពិភពលោកបានកើនឡើង 5.6% ក្នុងឆ្នាំ 2024 ដោយឈានដល់កម្រិតខ្ពស់ថ្មីមួយសរុប 3,508 នាក់។

ទ្រព្យសម្បត្តិសរុបនៃថ្នាក់មហាសេដ្ឋីបានកើនឡើង 10.3% ដល់កំណត់ត្រា 13.4 ទ្រីលានដុល្លារ៕