ក្រុមហ៊ុន Starbucks បាននិយាយថា ខ្លួននឹងលក់ភាគហ៊ុនគ្រប់គ្រងនៅក្នុងប្រតិបត្តិការលក់រាយរបស់ប្រទេសចិនទៅឱ្យក្រុមហ៊ុនវិនិយោគ Boyu Capital ក្នុងកិច្ចព្រមព្រៀងដែលមានតម្លៃអាជីវកម្មប្រហែល ៤ ពាន់លានដុល្លារ។

នៅក្រោមកិច្ចព្រមព្រៀងនេះ Boyu នឹងទទួលភាគហ៊ុន ៦០% នៅក្នុងប្រតិបត្តិការលក់រាយរបស់ Starbucks នៅក្នុងប្រទេសចិន។ Starbucks នឹងរក្សាភាគហ៊ុន ៤០% ក្នុងការបណ្តាក់ទុនរួមគ្នា ហើយនឹងផ្តល់សិទ្ធិកាន់កាប់ និងអាជ្ញាប័ណ្ណម៉ាក Starbucks ដល់ក្រុមហ៊ុនBoyu Capital។

Starbucks កាលពីថ្ងៃចន្ទបាននិយាយថា អាជីវកម្មរបស់ខ្លួននៅក្នុងប្រទេសចិននឹងមានតម្លៃសរុបជាង ១៣ ពាន់លានដុល្លារ រួមទាំងប្រាក់ចំណូលដែលបានមកពីការលក់ការប្រាក់គ្រប់គ្រងទៅឱ្យ Boyu តម្លៃនៃភាគហ៊ុន ៤០% និងតម្លៃនៃសួយសារ។

ហាងកាហ្វេ Starbucks បានចូលប្រទេសចិនកាលពីជិត ៣០ ឆ្នាំមុន ហើយត្រូវបានគេទទួលស្គាល់ថាមានការកើនឡើងនូវវប្បធម៌កាហ្វេនៅក្នុងប្រទេស។ ប្រទេសចិនគឺជាទីផ្សារធំទីពីររបស់ Starbucks នៅខាងក្រៅទឹកដីសហរដ្ឋអាមេរិកដែលមាន៨ពាន់ ទីតាំង។

ប៉ុន្តែក្នុងរយៈពេលប៉ុន្មានឆ្នាំចុងក្រោយនេះ ក្រុមហ៊ុនកាហ្វេយក្សStarbuck បានជួបការលំបាកក្នុងប្រទេសចិនជាមួយនឹងការប្រកួតប្រជែងពីក្រុមហ៊ុនអាជីវកម្មថ្មីរបស់ចិនដែលមានតំលៃថោក និងរីកចម្រើនយ៉ាងឆាប់រហ័សរបស់ហាងដូចជា Luckin Coffee ជាដើម។ ការលក់នៅហាងតែមួយរបស់ Starbucks នៅក្នុងប្រទេសចិនបានធ្លាក់ចុះក្នុងរយៈពេលពីរឆ្នាំសារពើពន្ធចុងក្រោយរបស់ខ្លួន។

ជាលទ្ធផល Starbucks បាននឹងកំពុងស្វែងរកដៃគូដើម្បីជួយក្រុមហ៊ុននេះពង្រីកអាជីវកម្មរបស់ខ្លួននៅក្នុងប្រទេសចិន ជាពិសេសនៅតាមទីក្រុងតូចៗ៕