ខេត្តកំពង់ស្ពឺ÷ ជនសង្ស័យម្នាក់គេចខ្លួនបាត់ស្រមោលពេលកំលាំងនគរបាលស្រុកភ្នំស្រួច ចុះទៅបង្រ្កាបមុខសញ្ញាសង្ស័យពាក់ព័ន្ធបទរក្សាទុកនិងចែកចាយសារធាតុញៀនដោយខុសច្បាប់ម្នាក់បន្សល់ទុកតែម៉ូតូនិងគ្រឿងញៀន។
ដោយអនុវត្ដតាមបញ្ជាដឹកនាំលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ នៅរសៀលថ្ងៃទី៤ ខែវិច្ឆិកា ឆ្នាំ២០២៥ វេលាម៉ោង១៦ និង ៤០នាទី កម្លាំងផ្នែកគ្រឿងញៀនស្រុកភ្នំស្រួចសហការជាមួយកម្លាំងប៉ុស្តិ៍នគរបាលរដ្ឋបាលតាំងរោង បានធ្វេីការស្រាវជ្រាវតាមវិធានការជំនាញបានកំណត់លេីមុខសញ្ញាសង្ស័យ១នាក់ដែលប្រេីប្រាស់ម៉ូតូ១គ្រឿងម៉ាកហុងដាសេ១២៥ ឆ្នាំ២០១៨ ពណ៌ខ្មៅផ្លាកលេខកំពង់ស្ពឺ1L-5862 ។
ជាក់ស្ដែងមុខសញ្ញាបានគេចខ្លួនបាត់ ពេលសមត្ថកិច្ចចុះធ្វើការត្រួតពិនិត្យដល់ទីតាំងដែលជនសង្ស័យធ្វេីសកម្មភាពដោយបន្សល់មធ្យោបាយម៉ូតូនៅកន្លែងកេីតហេតុជនសង្ស័យ ក៏បានគេចខ្លួនចូលព្រៃបាត់ នៅក្នុងម៉ូតូ សមត្ថកិច្ចត្រួតពិនិត្យរកឃើញមានម្សៅក្រាមពណ៍សថ្លា ចំនួន១កញ្ចប់ធំ សង្ស័យជាគ្រឿងញៀន ទុកលាក់នៅក្នុងប្រអប់ដាក់អាគុយម៉ូតូ ។
បច្ចុប្បន្នសមត្ថកិច្ចបានធ្វេីការចាប់យកវត្ថុតាងរួមជាមួយម៉ូតូ១គ្រឿងយកមករក្សាទុកនៅអធិការដ្ឋាននគរបាលស្រុកដេីម្បីកសាងសំណុំរឿងតាមនីតិវិធី៕
