បុគ្គលិក អ្នកបម្រើការនៅលើយន្តហោះនាសម័យកាលនេះការវាយប្រហារភេរវកម្មកើនឡើងបានបង្ខំឲ្យបុគ្គលិកទាំងអស់ពិសេសគឺស្ត្រីបម្រើការនៅលើយន្តហោះត្រូវតែចេះក្បាច់គុណដើម្បីទប់ទល់និងសភាពការអាក្រក់ដែលអាចកើតឡើងគ្រប់ពេលខណៈយន្តហោះកំពុងតែហោះហើយនៅលើអាកាសគឺគ្មានជំនួយណាមួយក្រៅពីខ្លួនឯងឡើយ។

សារព័ត៌មាន Sputnik បានផ្សាយថា ក្រុមស្ត្រីបម្រើការនៅក្នុងក្រុមហ៊ុនអាកាសចរណ៍នៅប្រទេសចិនត្រូវបានឆ្លងកាត់ការហ្វឹកហាត់យ៉ាងតឹងតែងដូចជាកម្លាំងទាហ៊ាន ពិសេសដើម្បីទប់ស្កាត់ហេតុការណ៍អាក្រក់នៅលើយន្តហោះដែលអាចកើតឡើងជាយថាហេតុក្នុងពេលដែលក្រុមភេរវករបង្កើនការវាយប្រហារតាមយន្តហោះ ។

មិនត្រឹមតែមានរូបសម្បត្តិស្អាតដូចជាតារាបង្ហាញម៉ូដប៉ុណ្ណោះទេក្រុមស្ត្រីបម្រើការលើយន្តហោះចិនថែមទាំងទទួលបានការហ្វឹកហាត់ដូចជាទាហ៊ានជំនាញអាចដោះស្រាយស្ថានភាពលើយន្តហោះបាន។

សារព័ត៌មាន Sputnik បានចាត់ទុកស្ត្រីទាំងនោះគឺជា «ក្បាលម៉ាស៊ីនប្រយុទ្ធ» ដ៏ស្រស់ស្អាតមានសមត្ថភាពទប់ទល់នឹងសកម្មភាពវាយប្រហារភេរវកម្មបានយ៉ាងល្អប្រសើនៅលើអាកាស។ ស្ត្រីស្រស់ស្អាតទាំងនោះបានរៀនក្បាច់គុន និងវិធីសាស្ត្រទប់ទល់ក្រុមជនល្មើស។ កម្រិតនៃការហ្វឹកហាត់មិនខុសពីទាហ៊ានជំនាញនោះឡើយ ហើយបើមនុស្សប្រុសធម្មតាមិនដែលរៀនក្បាច់គុណនោះមិនអាចទប់ទល់ជាមួយពួកនាងបានទេបើទោះមានគ្នា២ទៅ៣នាក់ក្តី។

បច្ចុប្បន្នស្រីស្អាតមិនមែនជាភេទទន់ខ្សោយដូចកាលពីមុនទៀតឡើយពួកនាងអាចធ្វើបានគ្រប់យ៉ាងដែលបុរសៗមិនអាចធ្វើបាន ហើយធ្វើដោយជោគជ័យទៀតផង។ កន្លងមកចិនក៏បានហ្វឹកហាត់ស្រីស្អាតធ្វើជាអង្គរក្សសម្រាប់ការពារអ្នកជំនួញធំៗនៅក្នុងប្រទេស ហើយអង្គរក្សស្រីនោះទទួលបានជោគជ័យជាងបុរសទៅទៀត។

ខាងក្រោមនេះជារូបភាពហ្វឹកហាត់ របស់ក្រុមស្ត្រីបម្រើការនៅលើយន្តហោះ (ក្រុមពហុនិកា) ដែលទាក់ទាញបំផុតនិងមានក្បាច់គុនពេញខ្លួន៖

ប្រែសម្រួល៖ ម៉ែវ សាធី