ភ្នំពេញ៖ ជនសង្ស័យពាក់ព័ន្ធករណីជួញដូរគ្រឿងញៀន២នាក់ត្រូវបានកម្លាំងនគរបាលព្រហ្មទណ្ឌខណ្ឌពោធិ៍សែនជ័យបើកប្រតិបត្តិការតាមស្រាវជ្រាវរហូតឈានទៅដល់ការឃាត់ខ្លួនកាលពីវេលាម៉ោង១២ថ្ងៃត្រង់ថ្ងៃទី៨ ខែកញ្ញា ឆ្នាំ២០១៦ នៅសាលារៀន អូរដឹម ស្ថិតក្នុងភូមិអូរដឹម សង្កាត់ចោមចៅ ខណ្ឌពោធិ៍សែនជ័យ ។

ជនសង្ស័យទី១ឈ្មោះទុំ វុទ្ធី ភេទ ប្រុស អាយុ ២០ ឆ្នាំ មុខរបរមិនពិតប្រាកដ ស្នាក់នៅផ្ទះជួល ភូមិត្រពាំងទួល សង្កាត់កំបូល ខណ្ឌពោធិ៍សែនជ័យ មានស្រុកកំណើតភូមិថ្មី ឃុំសន្ដាន់ ស្រុកសំបូរ ខេត្តក្រចេះ និងទី២ឈ្មោះ វនហៃ ហៅម៉ៅ ភេទប្រុស អាយុ២២ឆ្នាំមុខរបរមិនពិតប្រាកដស្នាក់នៅផ្ទះជួល ភូមិត្រពាំងទួល សង្កាត់កំបូល មានស្រុកកំណើត សង្កាត់ផ្សារឆ្នាំង ខេត្តកំពង់ឆ្នាំង ។

សមត្ថកិច្ចបានឲ្យដឹងថា បន្ទាប់ពីទទួលដំណឹងពីប្រជាពលរដ្ឋបានរាយការណ៍ថា មានជនសង្ស័យជួញដូរគ្រោះញៀននៅចំណុចខាងលើទើបលោកយឹម សារ៉ាន អធិការខណ្ឌពោធិ៍សែនជ័យបានបញ្ជាក់កម្លាំងឲ្យតាមស្រាវជ្រាវរហូតកំណត់មុខសញ្ញាបានឈានដល់ការឃាត់ខ្លួនបាន២នាក់ រកឃើញថ្នាំញៀន៣កញ្ចប់ធំ។

ក្រោយពីធ្វើការឃាត់ខ្លួនជនសង្ស័យត្រូវបានកម្លាំងនគរបាលយកទៅសាកសួរនៅអធិការដ្ឋាននគរបាលខណ្ឌពោធិ៍សែនជ័យ ដើម្បីចាត់ការតាមនីតិវិីធី៕

ដោយ៖ សុខាសែនជ័យ