ភ្នំពេញ៖ រដ្ឋបាលខណ្ឌដូនពេញ នៅព្រឹកថ្ងៃទី២៨ ខែវិច្ឆិកា ឆ្នាំ២០២៥នេះ បានឱ្យដឹងថា ដេីម្បីរំដោះផ្លូវសាធារណៈ ក្នុងការស្រួលផ្លូវថ្មើរជើងសម្រាប់ប្រជាពលរដ្ឋធ្វើដំណើរកម្លាំងគណៈបញ្ជាការឯកភាពរដ្ឋបាលខណ្ឌដូនពេញ បានចុះណែនាំអប់រំក្រុមអាជីវករលក់ដូរដែលរំលោកលើចិញ្ចឹមផ្លូវ ក្នុងមូលដ្ឋាន។
ជាក់ស្ដែងយោងតាមការចង្អុលបង្ហាញពី លោក ជា ខេមា អភិបាល នៃគណៈអភិបាលខណ្ឌដូនពេញ នៅថ្ងៃព្រឹកថ្ងៃទី២៨ វិច្ឆិកានេះ កម្លាំងសណ្តាប់ធ្នាប់ខណ្ឌដូនពេញ បានបន្តចុះរៀបចំសណ្តាប់ធ្នាប់ របៀបរៀបរយសាធារណៈ អនាម័យ បរិស្ថាន តាមមូលដ្ឋានខណ្ឌដូនពេញ រាជធានីភ្នំពេញ ដោយហាមមិនឱ្យយកចិញ្ចើមផ្លូវសាធារណៈធ្វើជាកន្លែងប្រកបអាជីវកម្មរបស់ខ្លួន ត្រូវទុក ១ ភាគ ៣ នៃចិញ្ចើមផ្លូវសាធារណៈ ដើម្បីបង្កលក្ខណៈដល់បងប្អូនប្រជាពលរដ្ឋងាយស្រួលធ្វើដំណើរ និងដើម្បីសោភណភាពក្នុងមូលដ្ឋានខណ្ឌដូនពេញឱ្យបានល្អប្រសើរ ខណៈវិថីថ្មើរជើងនៅថ្ងៃចុងសប្តាហ៍ត្រូវបានមហាជនមានការគាំទ្រយ៉ាងពេញទំហឹងពីមួយសប្តាហ៍ទៅមួយសប្តាហ៍។
ជាមួយគ្នានេះ រដ្ឋបាលខណ្ឌដូនពេញ ក៏សូមអរគុណពុក ម៉ែ បងប្អូនប្រជាជនពលរដ្ឋទាំងអស់គ្នាមានការយោគយល់ និងចូលរួមអនុវត្តទាំងអស់គ្នា៕ដោយ៖តារា
