ខេត្តកំពង់ស្ពឺ ៖ នៅយប់ថ្ងៃទី២៨ ខែវិច្ឆិកា ឆ្នាំ២០២៥នៅវេលាម៉ោង ២២និង ៣០នាទី លើផ្លូវជាតិលេខ៤ ចន្លោះគីឡូម៉ែត្រលេខ៤២-៤៣ ចំណុចភូមិចំបក់ ឃុំវល្លិ៍សរ ស្រុកសំរោងទង ខេត្តកំពង់ស្ពឺ មានករណីបង្កគ្រោះថ្នាក់ចរាចរណ៍កេីតឡេីង បណ្ដាលឱ្យរងរបួសធ្ងន់ធ្ងរម្ចាស់រថយន្ត ម៉ាកតូយ៉ូតាព្រុស ពណ៌ទឹកប្រាក់ ពាក់ផ្លាកលេខភ្នំពេញ2BP-9200 អ្នកបើកបរមាន ឈ្មោះ វ៉ន សុវ៉ាត់ត្រា ភេទប្រុស អាយុ៣១ឆ្នាំនៅភូមិក្រសាំងជីបែ ឃុំវាល ស្រុកគងពិសី ខេត្តកំពង់ស្ពឺ ។
យោងតាមការបញ្ជាក់ពីមន្ត្រីជំនាញចរាចរណ៍បានឱ្យដឹងថា រថយន្ដ Toyota Prius បើកបរក្នុងទិសដៅពីលិចទៅកើត។ លុះមកដល់ចំណុចខាងលើបានប៉ះរថយន្ត១គ្រឿងម៉ាក FUSO ពណ៌ ស ពាក់ផ្លាកលេខ
ភ្នំពេញ3E-16 05 មានសណ្តោងសឺមីរុឺម៉ក់ ពាក់ផ្លាកលេខកណ្តាល4A-0129 អ្នក បើកបរមិនស្គាល់អត្តសញ្ញាណ(គេចខ្លួនក្រោយពេលកើតហេតុ)។
បន្ទាប់មកមានរថយន្ត១គ្រឿងទៀតម៉ាកហុីយុិនដាយ
ពណ៌ស ពាក់ផ្លាកលេខ ពោធិ៍សាត់ 3A-1689 សណ្តោងសឺមីរុឺម៉ក់ ពាក់ផ្លាកលេខព្រះសីហនុ4A- 3830 អ្នកបើកបរឈ្មោះ ម៉ា រ៉ូសា ភេទប្រុស អាយុ ៣៤ឆ្នាំនៅភូមិព្រៃពាល ឃុំព្រៃស្វាយ ស្រុកមោងឬស្សី ខេត្តបាត់ដំបង បើកបរពីកើតទៅលិច បានប៉ះជាមួយរថយន្តម៉ាកតូយូតាព្រុស ដែលកំពុងតែជួបគ្រោះថ្នាក់លើផ្លូវជាតិ ។
កំលាំងនគរបាលចរាចរណ៍ដែលបានចុះវាស់វែងនៅកន្លែងកេីតហេតុបានឱ្យដឹងថា ក្នុងហេតុការណ៍ខាងលេីបណ្ដាលឲ្យគ្រោះថ្នាក់របួសធ្ងន់អ្នកបេីកបររថយន្ដព្រុស រីឯរថយន្ដខូចខាតទាំង៣គ្រឿង ។
ចំពោះមធ្យោបាយបង្ក រថយន្តទាំង៣គ្រឿង សមត្ថកិច្ចជំនាញបានអូសស្ទួចយកមករក្សាទុកនៅប៉ុស្ដិ៍នគរបាលរដ្ឋបាលត្រពាំងគង ដេីម្បីបន្ដនីតិវិធី៕
