ភ្នំពេញ៖ កើតចេញពីគំនិតផ្តួចផ្តើមរបស់ក្រុមយុវជនខ្មែរនៅប្រទេសបារាំង តារាចម្រៀងបែបរ៉ែបល្បីនាំមុខគេរបស់កម្ពុជា គឺលោក វណ្ណដា បានដឹកនាំក្រុមចូលរួមប្រគំតន្រ្តីជាប្រវត្តិសាស្រ្ត នៅទីក្រុងប៉ារីស ចំណែកថវិកាពីការលក់សំបុត្រដើម្បីយកទៅជួយប្រជាជនភៀសសឹកនៅតាមតំបន់ព្រំដែនខ្មែរ-ថៃ។
ជាក់ស្ដែងនៅតែសល់តែ២ថ្ងៃទៀតប៉ុណ្ណោះ ការប្រគំតន្រ្តីជាប្រវត្តិសាស្រ្ត «Rise for Khmer» នឹងលេចមុខនៅទីក្រុងប៉ារីស ថ្ងៃទី១ ធ្នូ ២០២៥ ចំណែកថវិកាដែលបានពីការលក់សំបុត្រក្នុងការប្រគំតន្រ្តីនៅសាល Pleyel (ភ្លេយែល) និងផ្ទាំងបដាផ្សព្វផ្សាយពាណិជ្ជកម្មបិទនៅតាមរូងរថភ្លើងក្រោមដីក្នុងទីក្រុងប៉ារីស គឺយកទៅជួយប្រជាជនភៀសសឹកនៅតាមតំបន់ព្រំដែនខ្មែរ-ថៃ។
ជាមួយគ្នានោះ ម្ចាស់ផលិតកម្មបារមី សូមថ្លែងអំណរគុណយ៉ាងជ្រាលជ្រៅបំផុត ចំពោះអ្នកទាំងអស់គ្នាដែលបានមកចូលរួមគាំទ្រការប្រគំតន្ត្រីសប្បុរសធម៌ «Rise for Khmer» នៅទីក្រុងប៉ារីស នាថ្ងៃទី ០១ ខែធ្នូ ខាងមុខនេះ។ ការប្រគំតន្ត្រីនេះត្រូវបានបង្កើតឡើងដោយសប្បុរសធម៌ដើម្បីជួយសម្រាលទុក្ខដល់ប្រជាជនខ្មែរដែលរងផលប៉ះពាល់ដោយសារវិបត្តិព្រំដែនហើយក៏ដើម្បីលើកតម្កើងស្មារតីស្នេហាជាតិនិងសាមគ្គីជាតិខ្មែរយើងទូទាំងពិភពលោក។
បន្ថែមពីនេះ ម្ចាស់ផលិតកម្មបារមី ក៏សូមអរគុណយ៉ាងជ្រាលជ្រៅបំផុតចំពោះសិល្បករសិល្បការិនីរបស់ផលិតកម្មបារមីដូចជា Vann Da – វណ្ណដា, Vanthan – វណ្ណថាន, Suzana Reth, YuuHai – យូហៃ , Norith – នរិទ្ធ ដែលបានបរិច្ចាគពេលវេលាដ៏មានតម្លៃ ដើម្បីផ្តល់កម្លាំងចិត្តដល់ប្រជាជនខ្មែរដែលបានរងគ្រោះ។
ផលិតកម្មបារមីទៀតសោតពិតជាមានមោទកភាពយ៉ាងក្រៃលែងក្នុងការចូលរួមរៀបចំកម្មវិធីប្រគំតន្ត្រីនេះ។ ទិដ្ឋភាពដែលយើងចង់បង្ហាញ គឺជារូបភាពនៃសាមគ្គីភាព ជាស្មារតីចូលរួមជាធ្លុងមួយដើម្បីជួយ និងសម្រាលបន្ទុកប្រជាជនយើងនិងឈរជាមួយប្រទេសជាតិយើង ក្នុងអំឡុងពេលដ៏លំបាកនេះ។
ម្ចាស់ផលិតកម្មបារមី ក៏សូមថ្លែងអំណរគុណដល់អ្នកឧបត្ថម្ភទាំងអស់របស់យើង Royal Group of Companies Chip Mong Land OCIC ។ សូមអរគុណចំពោះ Lok Chumteav Neak Oknha Mao Chamnan អរគុណ Nippoan អរគុណ Dara អរគុណ Phanna អរគុណ ក្រសួងវប្បធម៌ និងវិចិត្រសិល្ប: និង សមាគមសិល្បករខ្មែរ អរគុណសិល្បករសិល្បការិនីក្រុមការងារ Baramey Production ទាំងមូលដែលបានចូលរួម ធ្វើឲ្យកម្មវិធីនេះអាចកើតឡើងបាន។ នាងពិតជាមានកិត្តិយសមែនទែន ដែលខ្ញុំបានក្លាយជាផ្នែកមួយនៃការប្រគំតន្ត្រីដ៏មានអត្ថន័យនេះ ហើយសូមកូនខ្មែរទាំងអស់មេត្តាចងចាំជានិច្ចថា៖ ចង្កឹះមួយបាច់ កាច់មិនបាក់.
This is still Cambodia’s time to Rise! So please join us and rise for Khmer. សូមអរគុណ!
ដោយ៖តារា
