ខេត្តស្វាយរៀង:សមត្ថកិច្ចនគរបាលបញ្ជូនជនសង្ស័យ ៤នាក់មកសាលាដំបូងខេត្តស្វាយរៀង ពាក់ព័ន្ធករណីកាប់ប្លន់យកម៉ូតូនៅ ស្រុកស្វាយទាប។

សមត្ថកិច្ចនគរបាលខេត្តបានអោយដឹងរសៀលថ្ងៃទី២៩ខែវិឋ្ឆិកាឆ្នាំ២០២៥នេះថា

ដោយមានការចង្អុលដឹកនាំដ៏ខ្ពង់ខ្ពស់ ពីលោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀងអនុវត្តតាមបទបញ្ជារបស់លោកវរសេនីយ៍ឯក គឹម ឡៃ ស្នងការរងទទួលផែនការងារព្រហ្មទណ្ឌ កម្លាំងនគរបាលស្រុកស្វាយទាប បានធ្វើការបង្រ្កាប ករណីដឹកជញ្ចូនអាវុធសម្រាប់ប្រហារអ្នកដ៍ទៃ។

នៅថ្ងៃទី២៥ ខែវិច្ឆិកា ឆ្នាំ២០២៥ វេលាម៉ោង០០និង៤៥នាទី សមត្ថកិច្ចបានទទួលព័ត៌មានពីប្រជាពលរដ្ឋ តាមរយៈទូរស័ព្ទរាយការណ៍ថា មានករណីកាប់ប្លន់យកម៉ូតូភូមិប្រសូតទី២ ឃុំកណ្ដៀងរាយ ស្រុកស្វាយទាប ខេត្តស្វាយរៀង ក្រោយពីកម្លាំងសមត្ថកិច្ចយើងទទួលបានព័ត៌មាននេះភ្លាម បានសហការណ៍ជាមួយកម្លាំងជំនាញក្រុងបាវិត ស្ទាក់ដេញចាប់តាមគោលដៅ និងបានចុះទៅដល់កន្លែងកើតហេតុប្រទះឃើញម៉ូតូជនសង្ស័យចំនួន០៤គ្រឿង ដែលមានគ្នាចំនួន ១០នាក់ ពេលនោះសមត្ថកិច្ចបានស្ទាក់ដេញចាប់ ឃាត់ខ្លួនជនសង្ស័យបានចំនួន០៣នាក់ ម៉ូតូចំនួន០១គ្រឿង ម៉ាកសង់ឌ្រីម០២៥ ពណ៍ខ្មៅ ពាក់លេខ:ស្វាយរៀង 1V:3373 និងកាំបិតផ្គាក់ចំនួន ០២ដើម  យកមកសួរនាំនៅអធិកាដ្ឋាននគរបាលស្រុកស្វាយទាប។

នៅចំពោះមុខសមត្ថកិច្ចជនសង្ស័យឈ្មោះ ហង្ស ដារ៉ា  ភេទប្រុស អាយុ ១៤ឆ្នាំ ជនជាតិខ្មែរ មុខរបរសិស្ស មានទីលំនៅនៅភូមិតាណរ សង្កាត់ស្វាយតឿ ក្រុងស្វាយរៀង ខេត្តស្វាយរៀងបានឆ្លើយសារភាពថា ដំបូងរូបខ្លួននិងបក្សពួកចំនួន ០៧ នាក់ទៀត បានជិះម៉ូតូចំនួន ០៤ គ្រឿងក្នុងទិសដៅពីលិចទៅកើតលុះដល់គោលដៅចំណុចខាងកើតផ្សារប្រសូត្រពេលនោះខ្លួននិងបក្សពួកបានធ្វើសកម្មភាពកាប់ប្លន់យកម៉ូតូ ប្រជាពលរដ្ឋ ដោយឈ្មោះ ភ័ក្រ្តនិងឈ្មោះ សល់ បានធ្វើសកម្មភាពប្លន់យកម៉ូតូរួចគេចខ្លួនទៅទិសខាងលិចនិងបានយកម៉ូតូទៅទុក។

រួចមកជុំគ្នានៅរោងកាហ្វេ ឈ្មោះ ភី នៅចំណុចភូមិតាណរ វិញក្រោយមកខ្លួននិងបក្សពួក ០៩នាក់ទៀតជិះម៉ូតូ ០៤គ្រឿងចេញពីកាហ្វេក្នុងគោលដៅទៅបាវិតដែលមានគ្នាចំនួន ១០ នាក់លុះមកដល់ចំណុចរោងចក្រដើមពោធិ៍ក៏សមត្ថកិច្ចធ្វើការតាមស្ទាក់ចាប់រូបខ្លួន,ឈ្មោះ ស៊ឹម ច័ន្ទរស្មី ភេទប្រុស ឈ្មោះ វឿន ចាន់ណារិទ្ធ ភេទប្រុស រួមនិងវត្ថុតាងកាំបិតផ្កាក់ចំនួន ០២ដើម និងម៉ូតូចំនួនម ០១គ្រឿង។បច្ចុប្បន្នឡើងសមត្ថកិច្ចយើងកំពុងធ្វើការស្រាវជ្រាវស្វែងរកបក្សពួក និងជនដៃដល់បន្ថែមទៀត។

ប្រភពបន្តថា រហូតមកដល់ម៉ោង៥និង១០នាទីរសៀល ថ្ងៃទី២៥ ខែវិច្ឆិកា ឆ្នាំ២០២៥ ក្រោយពីក្រុមជនសង្ស័យបានឆ្លើយសារភាពរួច សមត្ថកិច្ចជំនាញស្រុកស្វាយទាប សហការណ៍ជាមួយកម្លាំងជំនាញក្រុងស្វាយរៀង បានឈានទៅនាំជនសង្ស័យឈ្មោះ ហង្ស ដារ៉ា ភេទប្រុស អាយុ១៤ឆ្នាំ ជនជាតិខ្មែរ មុខរបរសិស្ស មានទីលំនៅនៅភូមិតាណរ សង្កាត់ ស្វាយតឿ ក្រុងស្វាយរៀង ខេត្តស្វាយរៀង ទៅចង្អុលបង្ហាញអាស្រ័យដ្ឋានផ្ទះបក្សពួកខ្លួនម្នាក់ទៀត ឈ្មោះ ភាព សុភក្រ្ក ភេទប្រុស អាយុ ២៤ឆ្នាំ មុខរបររោងចក្រ រស់នៅភូមិតាណរ សង្កាត់ស្វាយតឿ ក្រុងស្វាយរៀង ដែលជាម្ចាស់កាំបិទផ្គាក់ដងដែក ដែលផ្តល់ឲ្យបក្សពួកយកទៅប្រើប្រាស់សម្រាប់ប្រហារផ្សេងៗ។

នៅចំពោះមុខសមត្ថកិច្ចជនសង្ស័យ ឈ្មោះ ភាព សុភក្រ្ក ភេទប្រុស អាយុ១៨ បានឆ្លើយសារភាពថា ខ្លួនពិតជាបានយកវត្ថុតាងខាងលើ យកមកពីផ្ទះឲ្យទៅជនសង្ស័យ ឈ្មោះ ហង្ស ដារ៉ា ភេទប្រុស អាយុ១៤ឆ្នាំ និងបក្សពួករបស់ខ្លួនប្រហែល ០៨នាក់ទៀត ដើម្បីយកទៅកាប់គ្នាសងសឹកទៅម្តុំដើមពោធិ៍ ស្វាយតាយាន ពិតប្រាកដមែន។