ភ្នំពេញ÷ បុរសពីរនាក់រងរបួសខណៈជួបគ្រោះថ្នាក់ចរាចរណ៍បង្ករឡើងដោយរថយន្តសេរីទំនើបបើកបរដោយជនបរទេសបើកមកបុកម៉ូតូរបស់ខ្លួន។

គ្រោះថ្នាក់ចរាចរណ៍នេះបានកើតឡើងកាលពីវកាលពីវេលាម៉ោង២ រំលងអាធ្រាត្រឈានចូលថ្ងៃទី ៣០ ខែវិច្ឆិកាឆ្នាំ ២០២៥ នៅត្រង់ចំណុចក្បែរផ្សារចាស់ ក្នុងមូលដ្ឋានខណ្ឌដូនពេញ។ ប្រភពពីរកន្លែងកើតហេតុបានឲ្យដឹងថានៅមុនពេលកើតហេតុគេឃើញមានម៉ូតូមួយគ្រឿងជាគ្នាពីរនាក់ពាក់ស្លាកលេខភ្នំពេញ2BD-4756 លក់មកដល់ចំណុចកើតហេតុស្រាប់តែមានរថយន្តម៉ាកឡិចស៊ីសសេរីទំនើបពាក់ស្លាកលេខភ្នំពេញ 2BD 4756បើកបរដោយជនបរទេសម្នាក់បានមកពេញទំហឹងបណ្ដាលឱ្យភាគីអ្នកជិះម៉ូតូរងរបួសទាំងពីរនាក់។ ប្រភពបានបន្តឲ្យដឹងទៀតថាក្រោយកើតហេតុអ្នកបើកបររថយន្តបង្កបានព្យាយាមបើករត់ពីកន្លែងកើតហេតុរហូតរថយន្តអស់សាំងរួចចូលទៅចាក់សាំងនៅការ៉ាស់សាំងមួយកន្លែងតាមបណ្ដោយផ្លូវ១០០៣ស្ថិតក្នុងសង្កាត់ច្រាំងចំរេះទី១  ខណ្ឌឫស្សីកែវ ត្រូវបានមិត្តភក្កិជនរងគ្រោះជិះម៉ូតូដេញតាមឃាត់ជាប់រួចប្រគល់ជូនសមត្ថកិច្ចតែម្ដង។
បច្ចុប្បន្នជនបង្កនិងរថយន្តត្រូវបានសមត្ថកិច្ចយកទៅរក្សាទុកនៅអធិការដ្ឋានខណ្ឌដូនពេញរង់ចាំដោះស្រាយការនីតិវិធី៕ដោយ÷ចន្ទ លីហ្សា