ខេត្តតាកែវ៖ ថ្ងៃទី៣០ ខែវិច្ឆិកា ឆ្នាំ២០២៥ ដោយទទួលបានបទបញ្ជាពីឧត្តមសេនីយ៍ត្រី សេង មហា មេបញ្ជា ការកងរាជអាវុធហត្ថខេត្តតាកែវ និងសម្របសម្រួលនីតិវិធី ដោយលោក ឯក ឆេងហួត ព្រះរាជអាជ្ញាអមសាលាដំបូងខេត្តតាកែ នៅវេលាម៉ោង១៩និង ៥៥នាទី ថ្ងៃទី២៦ ខែវិច្ឆិកា ឆ្នាំ២០២៥ កម្លាំងមន្ទីរស្រាវជ្រាវនិងបង្រ្កាបបទល្មើស ដឹកនាំដោយលោកអនុសេនីយ៍ឯក ជួន តូរៈតៈ នាយការិយាល័យប្រឆាំងគ្រឿងញៀនបានចុះប្រតិបត្តិការបង្ក្រាបករណី ដឹកជញ្ជូន រក្សាទុក ជួញ ដូរនិងប្រើប្រាស់ដោយខុសច្បាប់នូវសារធាតុញៀន ជាបន្តបន្ទាប់នៅភូមិព្រៃក្តួច ឃុំត្រពាំងក្រញូង ស្រុកត្រាំកក់ ខេត្តតាកែវ។

ជាបន្តមកទៀត នៅវេលាម៉ោង៦និង៥៥ ថ្ងៃទី២៩ ខែវិច្ឆិកា ឆ្នាំ២០២៥ កម្លាំងមានសមត្ថកិច្ចបាទន បន្តពន្លាតដែនសមត្ថកិច្ចទៅខេត្តកំពង់ស្ពឺដោយសហការជាមួយកម្លាំង មូលដ្ឋានកងរាជអាវុធហត្ថស្រុកបសេដ្ឋ បានចុះបង្ក្រាប នៅចំណុច ភូមិត្មាតលេង ឃុំបសេដ្ឋ ស្រុកបសេដ្ឋ ខេត្តកំពង់ស្ពឺ។

+លទ្ធផលឃាត់ខ្លួនជនសង្ស័យ បានចំនួន ០៣ នាក់ (ប្រុស)
១/ ឈ្មោះ ភា ប៉ាក់ទី ភេទប្រុស អាយុ២១ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិផ្លូវលោក ឃុំត្រពាំងក្រញូង ស្រុកត្រាំកក់ ខេត្តតាកែវ។
២/ ឈ្មោះ យិន រិទ្ធ ភេទប្រុស អាយុ ២១ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិ ឬស្សីមួយគុម្ភ ឃុំ អូរសារាយ ស្រុកត្រាំកក់ ខេត្តតាកែវ។
៣/ ឈ្មោះ ហម សំណាង ភេទប្រុសអាយុ២០ ឆ្នាំ ជនជាតិខ្មែរ មុខរបរ មិនពិតប្រាកដ រស់នៅភូមិត្មាតលេង ឃុំបសេដ្ឋ ស្រុកបសេដ្ឋ ខេត្តកំពង់ស្ពឺ។
+ដកហូតវត្ថុតាងរួមមាន៖
១/ ម្សៅក្រាមពណ៌សថ្លា ចំនួន ០៤ កញ្ចប់ ទម្ងន់ ៣៥.៤៩ ក្រាម (ថ្លឹងទាំងសំបកថង់)
២/ អាវុធខ្លីចំនួន ០២ ដើម(ម៉ាកLock 19 និងម៉ាកPATA )
៣/ បង់ចំនួន ០៣
៤/ គ្រាប់ចំនួន ១៨១ គ្រាប់
៥/ ទូរស័ព្ទចំនួន ០៤ គ្រឿង
៦/ រថយន្ដ ចំនួន ០២ គ្រឿង
៧/ ម៉ូតូ ចំនួន ០៣ គ្រឿង
៨/ ស្លាកលេខរថយន្ត ចំនួន ០២ សន្លឹក
៩/ ប្រអប់ដាក់អាវុធខ្លីចំនួន ០២
១០/ សម្ភារៈវេចខ្ចប់និងសម្ភារៈប្រើប្រាស់គ្រឿងញៀនមួយចំនួន។

បច្ចុប្បន្នជនសង្ស័យនិងវត្ថុតាង ការិយាល័យជំនាញ កំពុងកសាងសំណុំរឿង បញ្ជូនទៅសាលាដំបូងខេត្តតាកែវ ចាត់ការតាមនីតិវិធី៕