ខេត្តរតនគិរី៖ ដោយអនុវត្តតាមប្រសាសន៍ដឹកនាំរបស់ប្រមុខរាជរដ្ឋាភិបាល គោលការណ៍របស់ថ្នាក់ដឹកនាំក្រសួងមហាផ្ទៃ និងបញ្ជាដឹកនាំរបស់លោកនាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ អ៊ុង សុភាព ស្នងការនគរបាលខេត្តរតនគិរី បានដាក់ចេញនូវបទបញ្ជារ និងវិធានការម៉ឹងម៉ាត់ដល់កងកម្លាំងនគរបាលអន្តរាគមន៍ កងកម្លាំងនគរបាលជំនាញព្រហ្មទណ្ឌ និងកម្លាំងនគរបាលនៃអធិការដ្ឋាននគរបាលទាំង៩ក្រុង-ស្រុក ដើម្បីរក្សាសន្តិសុខ សណ្តាប់ធ្នាប់សាធារណៈនិងសុវត្ថិភាពសង្គម នៅគ្រប់គោលដៅក្នុងភូមិសាស្ត្រខេត្តរតនគិរីទាំងមូល។
ក្នុងប្រតិបត្តិការនោះដែរ ជាពិសេសគឺត្រូវទប់ស្កាត់ និងបង្ក្រាបអោយបានដាច់ខាតក្រុមក្មេងទំនេីងដែលអាចបង្ករបញ្ហាផ្សេងៗធ្វេីអោយប៉ះពាល់ដល់ សណ្តាប់ធ្នាប់សាធារណៈ សន្តិសុខ ជាពិសេស សុវត្ថិភាពភ្ញៀវទេសចរណ៍ វិនិយោគិន និងពលរដ្ឋទូទៅជាដេីម រួមទាំងរាល់សកម្មភាពបំផ្លិចបំផ្លាញទ្រព្យសម្បត្តិសារធារណៈ បង្ករចលាចលសង្គម ធ្វេីអោយបាត់បង់សណ្តាប់ធ្នាប់ និងរំខានដល់ការរស់នៅរបស់ប្រជាពលរដ្ឋ។
ក្នុងនោះលោកស្នងការ ក៏បានអំពាវនាវដល់បងប្អូនប្រជាពលរដ្ឋសូមជួយសហការផ្តល់ព័ត៌មានដល់សមត្ថកិច្ច នៅពេលដែលមានបទល្មើស ពិសេសបង្ករដោយក្រុមក្មេងទំនើង ដើម្បីសមត្ថកិច្ចមានមូលដ្ឋានបង្ក្រាបបានទាន់ពេលវេលា និងទទួលបានប្រសិទ្ធភាពខ្ពស់៕ដោយ៖តារា
