ភ្នំពេញ៖ រថយន្តកុងតឺន័រមួយគ្រឿងបេីកលឿនជ្រុលបុកម៉ូតូពីក្រោយបណ្តាលឲ្យនារីម្នាក់ស្លាប់ភ្លាមៗនៅកន្លែងកេីតហេតុ កាលពីវេលាម៉ោង៦និង៤០នាទីយប់ ថ្ងៃទី៥ ខែធ្នូ ឆ្នាំ២០២៥ នៅតាមបណ្តោយផ្លូវឈ្នះ ឈ្នះ ស្ថិតក្នុងសង្កាត់សំរោងក្រោម ខណ្ឌពោធិ៍សែនជ័យ។
ជនរងគ្រោះបេីតាមបញ្ជាក់ពីកាតធ្វេីការនៅជាប់ខ្លួនមានឈ្មោះ កេត សាវ័ន្ត ភេទស្រី។
តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញជនរងគ្រោះជិះម៉ូតូម៉ាក zoomer x ពណ៌ខ្មៅលាយក្រហម ពាក់ស្លាកលេខកំពង់ធំ1K 5421 ធ្វេីដំណេីរតាមបណ្តោយផ្លូវឈ្នះ ឈ្នះ ខណៈមកដល់ចំណុចកេីតហេតុស្រាប់តែមានរថយន្តកុងតឺន័រ ពណ៌ខៀវ ពាក់ស្លាកលេខបាត់ដំបង3A 4825 ធ្វេីដំណេីរមកពីក្រោយជ្រុលបុកម៉ូតូនិងកិនជនរងគ្រោះបណ្តាលឲ្យស្លាប់ភ្លាមៗ។
ក្រោយកេីតហេតុសមត្ថកិច្ចបានចុះមកដល់ចំណុចកេីតហេតុឃាត់តៃកុងរថយន្តបានភ្លាម រួចទាក់ទងទៅជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញដេីម្បីមកធ្វេីការវាស់យករថយន្តនិងម៉ូតូទៅរក្សាទុករងចាំដោះស្រាយពេលក្រោយ ចំណែកសពជនរងគ្រោះកំពុងស្វែងរកសាច់ញាតិ៕ដោយ៖សុខាសែនជ័យ
