ភ្នំពេញ​៖​ ទេសរដ្ឋមន្ត្រី​ កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា​ បានថ្លែង​នៅព្រឹកថ្ងៃ​ទី១៦​ ខែធ្នូ​ ឆ្នាំ​២០២៥នេះថា៖​ ខ្ញុំបានឃើញបងប្អូនយើងព្យាយាមបង្ហាញការពិតដល់ពិភពលោកឱ្យដឹងថាថៃឈ្លានពាន ថៃជាអ្នកបង្កសង្រ្គាម ទាហានថៃបាញ់មុន ទាហានថៃប្រើផ្សែងពុល ប្រើគ្រាប់បែកចង្កោម បាញ់សម្លាប់ជនសុីវិល បំផ្លាញបេតិកភណ្ឌ។ល។

លោក​ កែវ​ រ៉េមី​ បានបន្ដថា​ តាមពិតសហគមន៍អន្តរជាតិ រួមទាំងមហាអំណាចដែលជាមិត្តជាមួយកម្ពុជា ពួកគេបានដឹងច្បាស់ណាស់អ្នកណាល្អ អ្នកណាអាក្រក់។

បន្ថែមពីនេះ​ លោកទេសរដ្ឋមន្ត្រី​ បានសង្កត់ធ្ងន់ថា​ ថ្ងៃនេះប្រទេសថៃនៅមានយីអុននៅឡើយ បើគង់តែមហាមិត្តចិន​ អំពាវនាវឱ្យថៃ-កម្ពុជា ឈប់បាញ់នៅតាមព្រំដែនពីម្សិលមិញ ម្ល៉េះសមថ្ងៃនេះលោក អុិន វ៉ាអុីប្រាហីម នាយករដ្ឋមន្ត្រីម៉ាឡេសុី​ បង្ហាញតាមសាតែលលីត ( Satellite) នៅក្នុងកិច្ចប្រជុំអាស៊ានដែលអាចឲ្យប្រទេសថៃ​រងអាម៉ាស់ដូចគេដើរស្រាតខោនៅក្នុងអង្គប្រជុំ ពីព្រោះ Satellite នឹងបង្ហាញអ្នកដែលបាញ់មុន។​ សូមថៃកុំភ្លេចអរគុណដល់មហាមិត្តចិនផង៕ដោយ​៖តារា​