លោក Pep Guardiola បាននិយាយថា Manchester City ត្រូវតែត្រៀមខ្លួន ដើម្បីរៀបចំផែនការសម្រាប់ការចាកចេញរបស់គាត់ និងស្វែងរកអ្នកស្នងតំណែងរបស់គាត់។

គេក៏សង្កេតឃើញថាថា Man City បានចាប់ផ្តើមដំណើរការកំណត់អត្តសញ្ញាណបេក្ខជនដើម្បីជំនួសគ្រូបង្វឹកសញ្ជាតិអេស្ប៉ាញ ចំពេលមានភាពមិនប្រាកដប្រជាអំពីថាតើគាត់នឹងបន្តនៅក្លឹបនៅរដូវកាលក្រោយឬអត់។

ទន្ទឹមនឹងនេះដែរ អ្នកចាត់ការក្រុម Chelsea លោក Enzo Maresca ដែលពីមុនធ្លាប់ជាជំនួយការរបស់លោក Guardiola នៅក្លឹប City បាននិយាយថា របាយការណ៍ដែលផ្សាយថាគាត់ជាអ្នកស្នងតំណែងដ៏មានសក្តានុពលរបស់Guardiola គឺជា ការរំពឹងទុកត្រឹមត្រូវ 100% ។

នៅខែវិច្ឆិកា ឆ្នាំ 2024 លោក Guardiola បានចុះកិច្ចសន្យាថ្មីដែលដំណើរការរហូតដល់ចុងឆ្នាំ 2026-27 ។

នៅពេលសួរថាតើគាត់នឹងបញ្ចប់កិច្ចព្រមព្រៀងរបស់គាត់ឬអត់ អ្នកចាត់ការវ័យ 54 ឆ្នាំរូបនេះបាននិយាយថា: “បី ឬ បួន ឆ្នាំចុងក្រោយមុននេះ ខ្ញុំត្រូវបានគេសួរសំណួរនេះ។ មិនយូរមិនឆាប់នោះទេ ដល់វ័យ 75 ឬ 76 ខ្ញុំនឹងចាកចេញពី Manchester City ខ្ញុំយល់ពីសំណួរនោះ ប៉ុន្តែខ្ញុំមានសល់កុងត្រា 18 ខែ ខ្ញុំពិតជារីករាយណាស់ជាមួយនឹងអ្វីទាំងនេះ។

ខ្ញុំពិតជារំភើបជាមួយនឹងការអភិវឌ្ឍន៍ក្រុម នេះជាអ្វីដែលខ្ញុំអាចនិយាយបាន។ សំណួរនេះកើតឡើងរាល់រដូវកាល ខ្ញុំមិនមានបញ្ហាអីទេ។ ក្លឹប និងខ្លួនខ្ញុំមានការទាក់ទងគ្នាយ៉ាងល្អ ហើយការសម្រេចចិត្តដែលយើងត្រូវធ្វើ អ្វីនឹងកើតឡើង”។

ដោយសង្កត់លើថាតើគាត់នឹងនៅ Man City នៅរដូវកាលក្រោយឬអត់ លោក Guardiola បានបន្ថែមថា “ខ្ញុំបានឆ្លើយសំណួរនោះពីមុនមក។ ខ្ញុំនៅទីនេះ។ តើនឹងមានអ្វីកើតឡើង? អ្នកណាដឹង? ប៉ុន្តែប្រសិនបើខ្ញុំមានកុងត្រា 10 ឆ្នាំ ឬប្រាំមួយខែ បាល់ទាត់ផ្លាស់ប្តូរលឿនណាស់” ។

លោក Guardiola បានបង្កើតខ្លួនគាត់ថាជាបុគ្គលដ៏គួរឱ្យគោរពបំផុតក្នុងប្រវត្តិសាស្ត្ររបស់ Man City ដោយបានឈ្នះពានរង្វាន់ធំៗជាច្រើនចាប់តាំងពីត្រូវបានតែងតាំងជាអ្នកចាត់ការក្នុងឆ្នាំ 2016 រួមទាំងពានរង្វាន់ Premier League ចំនួនប្រាំមួយ និងពានរង្វាន់ Champions League ឆ្នាំ 2022-23 ។

Man City ដែលមានពីរពិន្ទុតាមពីក្រោយក្រុមកំពូលតារាង Premier League កាំភ្លើងធំ Arsenal នឹងធ្វើជាម្ចាស់ផ្ទះទទួលក្រុម West Ham នៅថ្ងៃសៅរ៍នេះ៕