គ្រួសារអ្នកមាន និងក្រុមហ៊ុនធំៗនៅក្នុងប្រទេសឥណ្ឌូនេស៊ី កំពុងប្រឈមមុខនឹងការត្រួតពិនិត្យពន្ធកាន់តែខ្លាំងពីរដ្ឋាភិបាលមុនដំណាច់ឆ្នាំ 2025 ចំពេលមានឱនភាពថវិកាជាតិខ្ពស់។

អាជ្ញាធរពន្ធដារបានបង្កើនការត្រួតពិនិត្យលើអ្នកបង់ពន្ធដែលមានតម្លៃសុទ្ធខ្ពស់ ដោយកោះហៅមនុស្សមួយចំនួនឱ្យពិនិត្យមើលឡើងវិញនូវឯកសាររបស់ពួកគេ ដែលជាផ្នែកមួយនៃកិច្ចខិតខំប្រឹងប្រែងដើម្បីប្រមូលប្រាក់នៅក្នុងឆ្នាំដែលខ្សោយសម្រាប់ប្រាក់ចំណូលនៅក្នុងសេដ្ឋកិច្ចដ៏ធំបំផុតរបស់អាស៊ីអាគ្នេយ៍ ដែលការព្យាករណ៍ឱនភាពថវិកាជិតដល់ 3% នៃ GDP នេះបើយោងតាម Bloomberg ។

មនុស្សមួយចំនួនដែលដឹងពីបញ្ហានេះបាននិយាយថា ថ្មីៗនេះមន្ត្រីបានស្នើឱ្យក្រុមហ៊ុនធំៗដែលគ្រប់គ្រងដោយឧកញ៉ាក្នុងស្រុកឱ្យបង់ប្រាក់បន្ថែមនៅឆ្នាំ 2025។ អាជីវកម្មដែលគ្រប់គ្រងដោយគ្រួសារមួយចំនួនត្រូវបានប្រាប់ឱ្យបង់ប្រាក់ជាង 5 លានដុល្លារអាមេរិក។

នៅពេលដែលក្រុមហ៊ុនមួយចំនួនបានជំទាស់ មន្ត្រីពន្ធដារបានស្នើឱ្យពួកគេបង់ប្រាក់ចំនួន 30% នៃចំនួនទឹកប្រាក់ដែលបានស្វែងរកជាការសម្របសម្រួល ដោយមិនបានពន្យល់ពីរបៀបដែលតួលេខនោះត្រូវបានកំណត់។

លោក Bimo Wijayanto អគ្គនាយកពន្ធដារនៅក្រសួងហិរញ្ញវត្ថុ បានបញ្ជាក់ថា អ្នកជាប់ពន្ធដែលមានទ្រព្យសម្បត្តិខ្ពស់ត្រូវបានកោះហៅ ដោយប្រាប់អ្នកសារព័ត៌មានក្នុងសន្និសីទសារព័ត៌មានកាលពីថ្ងៃទី 18 ខែធ្នូថា វាជា កិច្ចការសំខាន់របស់ការិយាល័យពន្ធដារ ដើម្បីបញ្ជាក់ទិន្នន័យ។ លោកបាននិយាយថា ព័ត៌មានរបស់ក្រសួងគឺ “ការកោះហៅ ផ្តល់ឱ្យអ្នកជាប់ពន្ធនូវឱកាសក្នុងការផ្តល់ការពន្យល់ កែតម្រូវការបង់ពន្ធរបស់ពួកគេដោយស្ម័គ្រចិត្ត និងធានាការអនុលោមតាមច្បាប់”។

កិច្ចខិតខំប្រឹងប្រែងនៅចុងឆ្នាំដើម្បីលើកយកចំណូលពន្ធគឺជារឿងធម្មតានៅក្នុងប្រទេសឥណ្ឌូនេស៊ី ដែលអ្នករិះគន់ និងអ្នកដឹកនាំអាជីវកម្មតែងតែដាក់ស្លាកការអនុវត្តនេះថា “ការបរបាញ់នៅក្នុងសួនសត្វ” ដែលជាការយោងទៅលើការកំណត់គោលដៅនៃក្រុមអ្នកបង់ពន្ធផ្លូវការធំៗ ដែលងាយស្រួលក្នុងការត្រួតពិនិត្យ ជាជាងការពង្រីកការអនុលោមតាមច្បាប់នៅទូទាំងសេដ្ឋកិច្ចក្រៅផ្លូវការដ៏ធំនៃប្រទេសដែលមានប្រជាជនច្រើនជាងគេទីបួនរបស់ពិភពលោក៕