ភ្នំពេញ៖ យុវជនម្នាក់បានរងរបួសបាក់ភ្លៅម្ខាងត្រូវបានកងសង្គ្រោះបន្ទាន់៧១១ កងពលតូចលេខ៧០ដឹកយកទៅមន្ទីរពេទ្យភ្លាមៗ បន្ទាប់ពីជិះម៉ូតូលឿនជ្រុលទៅបុកបង្គោលស្លាកសញ្ញានៅចិញ្ចេីមផ្លូវ កាលពីវេលាម៉ោង៩និង៥១នាទី យប់ថ្ងៃទី១១ ខែមករា ឆ្នាំ២០២៦ នៅផ្លូវបេតុង ភូមិស្រែក្នុង សង្កាត់កន្ទោក ខណ្ឌកំបូល រាជធានីភ្នំពេញ ។
ជនរងគ្រោះមានឈ្មោះ ឆេង ឆៃយ៉ា ភេទប្រុស អាយុ១៩ឆ្នាំ រងរបួសបាក់ភ្លៅខាងស្តាំ មានអាសយដ្ឋាននៅសង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ ។
តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញជនរងគ្រោះជិះម៉ូតូហុងដាឌ្រីមតាមបណ្តោយផ្លូវបេតុងក្នុងល្បឿនលឿនខណៈមកដល់ចំណុចកេីតហេតុក៏រេចង្កូតទៅបុកបង្គោលស្លាកសញ្ញាឈប់ បារាសផ្លូវដែកបណ្តាលឲ្យបោកផ្ទប់រងរបួសបាក់ភ្លៅខាងស្តាំ។
ក្រោយកេីតហេតុជនរងគ្រោះត្រូវបានរថយន្តសង្គ្រោះរបស់អង្គភាព៧១១ កងពលតូចលេខ៧០ ដឹកបញ្ជូនទៅមន្ទីរពេទ្យព្រះកុសុមៈដេីម្បីសង្គ្រោះ៕
ដោយ៖សុខាសែនជ័យ
