អន្តរជាតិ ៖ នៅព្រឹកថ្ងៃទី២១ ខែមករា ឆ្នាំ២០២៦ លោក ខៀវ កាញារីទ្ធ អ្នកតំណាងរាស្រ្តមណ្ឌលកំពង់ចាម បានបង្ហោះលើផេកផ្ទាល់ខ្លួនថា ៖ ចាប់តាំងពីមនុស្សជាតិបែកចេញពីពពួកស្វានិងវិវត្តខ្លួនមកដល់សព្វថ្ងៃគឺជាការវិវត្តរាប់លានឆ្នាំ ហើយការបន្តចំណេះដឹង និង ប្រាជ្ញាក៏កើនឡើងបន្តិចម្តងៗជាច្រើនជំនាន់ ។ សត្វបច្ចុប្បន្នក៏សន្សំចំណេះដឹងពីជំនាន់មួយទៅជំនាន់មួយដែរ ពិតមែនតែជាជំនាន់ខ្លីមិនគ្រប់គ្រាន់ព្រោះកត្តាមនុស្សដែលតែងតែសម្លាប់វាជាម្ហូបអាហារ ឬ បំផ្លាញបរិស្ថានរស់នៅរបស់វា ។ ថ្មីៗនេះ គេប្រទះឃើញសត្វគោចេះប្រើអំបោសដើម្បីដុះខ្លួនវាដោយមិនចាំបាច់ទៅ ត្រដុសខ្លួនជាមួយនឹងសម្ភារៈនានាឯទៀត ដែលជាសញ្ញានៃចំណេះដឹងថ្មីមួយរបស់ពួកវា ( ចេះប្រើឧបករណ៍ )! លោក ខៀវ កាញារីទ្ធ អ្នកតំណាងរាស្រ្តមណ្ឌលកំពង់ចាម បានដកស្រង់ព័ត៌មាននេះពី – កាសែត Libération ចេញផ្សាយថ្ងៃអង្គារ ទី២០ ខែមករា ឆ្នាំ២០២៦ ៕

ដោយ ៖ សិលា