យោងតាមសេចក្តីប្រកាសរបស់យោធាអុីស្រាអែលនៅថ្ងៃទី 3 ខែកុម្ភៈ ដោយបញ្ជាក់ថា សមយុទ្ធនេះពាក់ព័ន្ធនឹងនាវាចម្បាំងរបស់កងទ័ពជើងទឹកអុីស្រាអែល និងនាវាពិឃាតរបស់កងទ័ពជើងទឹកអាមេរិកដែលបានមកតំបន់នោះ។

កងទ័ពជើងទឹកអុីស្រាអែល និងសហរដ្ឋអាមេរិកបានធ្វើសមយុទ្ធរួមគ្នានៅសមុទ្រក្រហមនៅថ្ងៃទី 2 ខែកុម្ភៈ ដែលជាចលនាមួយត្រូវបានគេមើលឃើញថាជាការពង្រឹងកិច្ចសហប្រតិបត្តិការសន្តិសុខដែនសមុទ្រ ចំពេលមានភាពតានតឹងក្នុងតំបន់កើនឡើង។
យោងតាមសេចក្តីប្រកាសរបស់យោធាអុីស្រាអែលនៅថ្ងៃទី 3 ខែកុម្ភៈ សមយុទ្ធនេះពាក់ព័ន្ធនឹងនាវាចម្បាំងរបស់កងទ័ពជើងទឹកអុីស្រាអែល និងនាវាពិឃាតរបស់កងទ័ពជើងទឹកអាមេរិកដែលបានមកទស្សនាតំបន់នោះ។ សកម្មភាពនេះគឺជាផ្នែកមួយនៃការសម្របសម្រួលជាយុទ្ធសាស្ត្រជាប្រចាំរវាងកងទ័ពជើងទឹកអុីស្រាអែល និងកងនាវាទីប្រាំរបស់សហរដ្ឋអាមេរិក។
កងនាវាទីប្រាំរបស់សហរដ្ឋអាមេរិកទទួលខុសត្រូវចំពោះប្រតិបត្តិការនៅក្នុងសមុទ្រយុទ្ធសាស្ត្រ រួមទាំងសមុទ្រក្រហម ឈូងសមុទ្រអាដិន និងឈូងសមុទ្រអូម៉ង់ ដែលជាផ្លូវដឹកជញ្ជូនដ៏សំខាន់សម្រាប់ពាណិជ្ជកម្ម និងសន្តិសុខសកល។
សមយុទ្ធនេះបានកើតឡើងចំពេលមានភាពតានតឹងកាន់តែខ្លាំងឡើងរវាងអុីរ៉ង់ នឹងសហរដ្ឋអាមេរិក។

ទីក្រុងវ៉ាស៊ីនតោនបានព្រមានទីក្រុងតេអេរ៉ង់ម្តងហើយម្តងទៀត និងបានបង្កើនវត្តមានកងទ័ពជើងទឹករបស់ខ្លួននៅក្នុងតំបន់ដើម្បីធានាសន្តិសុខ និងទប់ស្កាត់ការគំរាមកំហែងដែលអាចកើតមាន៕ ដោយធីរីណា

រូប​ថត​: Getty