ទីក្រុងហុងកុងត្រូវបានបោះឆ្នោតជាទីក្រុងម្ហូបអាហារល្អបំផុតនៅអាស៊ីសម្រាប់ឆ្នាំនេះ ដោយឈ្នះលើទីក្រុងផ្សេងៗដូចជា បាងកក និង ហាណូយ ក្នុងកម្មវិធីពានរង្វាន់ Travelers’ Choice Awards 2026: Best of the Best Destinations របស់ Tripadvisor។

Tripadvisor បានសរសេរថា «ឌីមសាំមានរសជាតិឆ្ងាញ់ កោះតូចៗលើទឹក និងទេសភាពអគារខ្ពស់ដ៏ពិសេស» គឺជាលក្ខណៈពិសេសមួយចំនួនរបស់ហុងកុង។

ម្ហូបអាហារហុងកុងរួមបញ្ចូលរសជាតិកន្តុនបុរាណជាមួយឥទ្ធិពលបែបលោកខាងលិចពីអតីតកាលអាណានិគម បង្កើតវប្បធម៌អាហារដែលចម្រុះ និងមានអត្តសញ្ញាណពិសេស។ ទីក្រុងនេះល្បីដោយសារឌីមសាំ ស៊ីវម៉ៃ (សាច់អាំង) និងហាងកាហ្វេស្ទាយហុងកុង cha chaan teng។

ម្ហូបដែលគួរតែសាកល្បងមានដូចជា ហាន់អាំងនៅហាង Yat Lok ឌីមសាំនៅ Tim Ho Wan ឬ Lung King Heen និងនំតាតស៊ុតបែបបុរាណ ដែលទាំងអស់បង្ហាញពីមរតកម្ហូបអាហារដ៏សម្បូរបែបរបស់ហុងកុង។

បាងកកប្រទេសថៃឈរនៅចំណាត់ថ្នាក់ទី២ ខណៈហាណូយប្រទេសវៀតណាម និងអូសាកាប្រទេសជប៉ុនឈរតាមលំដាប់បន្ទាប់។

ពានរង្វាន់ Travelers’ Choice Best of the Best Destinations ឆ្នាំ 2026 ត្រូវបានគណនាដោយផ្អែកលើគុណភាព និងបរិមាណនៃការវាយតម្លៃពីអ្នកធ្វើដំណើរទូទាំងពិភពលោកលើ Tripadvisor ចំពោះទីកន្លែងស្នាក់នៅ ភោជនីយដ្ឋាន និងសកម្មភាពទេសចរណ៍ ក្នុងអំឡុងពេលពីថ្ងៃទី 1 តុលា 2024 ដល់ថ្ងៃទី 30 កញ្ញា 2025។

ពានរង្វាន់នេះបង្ហាញពីទីក្រុងដែលអ្នកធ្វើដំណើរពេញចិត្តបំផុត និងជួយឲ្យមនុស្សអាចរៀបចំផែនការធ្វើដំណើរ និងស្វែងរកបទពិសោធន៍ល្អបំផុតនៅជុំវិញពិភពលោក៕