ករណីគ្រោះថ្នាក់ចរាចរណ៍​រថយន្តបេីកលឿន រេចង្កូតធ្លាក់ផ្លូវទៅបុក​ដើមឈើ​ឆ្វេងដៃរបួសធ្ងន់​ ១៤នាក់​

ចែករំលែក៖

ខេត្តកំពង់ស្ពឺ÷នៅរសៀលថ្ងៃទី៨ ខែកុម្ភៈ ឆ្នាំ ២០២៦ ចំ​ណុ​ចលើផ្លូវលំ ស្ថិ​តនៅភូមិល្ងឹម ឃុំត្រពាំងជោ ស្រុ​កឱរ៉ា​ល់ ខេត្តកំពង់ស្ពឺ មានករ​ណី​គ្រោះថ្នាក់ចរាចរណ៍​បង្កដោយរថ​យន្ត១គ្រឿង​ ម៉ាក​ TOYOTA HILUX VIGO ប្រភេទដឹកទំនិញ PICK UP  ពណ៌ទឹកប្រាក់ ពាក់ផ្លាកលេខភ្នំពេញ 2AA-4155 បេីកបរក្នុងល្បឿ​នលឿនរួចរេចង្កូតធ្លាក់ផ្លូវទៅបុកដើ​មឈើ​ នៅខាង​ឆ្វេងដៃ​នៃផ្លូវ ។

លោកវរសេនីយ៍ឯក​ ប៊ុត​ ប៊ុនធឿន​ អធិការនគរបាលស្រុកបញ្ជាក់ថា​ រថយន្ត​ TOYOTA HIL​UX VIGO PICKUP បើកបរដោ​យឈ្មោះ មាស អិត ភេទប្រុស 

អា​យុ ៧០ឆ្នាំ របួសធ្ងន់​ អ្នករួមដំណេីរ សរុប​១៤នាក់​ត្រូវបានសមត្ថកិច្ចនគរបាល​សហការបញ្ជូនទៅព្យាបាលនៅមន្ទីរពេទ្យបង្អែកខេត្តកំពង់ស្ពឺ​ អ្នករបួសនិងអ្នកបេីកបរ​ មានទីលំនៅភូមិក្បៀ ឃុំស្វាយរំពារ ស្រុកបសេដ្ឋ ខេត្តកំពង់ស្ពឺ ។ 

តាមសាក្សីឃេីញហេតុការណ៍​ ថារថយន្ដ​បើកពីទិសខា​ងជើងទៅទិ​ស​ខាងត្បូង។ លុះមកដល់ចំណុចកើត​ហេ​តុរថយន្ដ​ ក៏បានរេចង្កូតធ្លាក់ផ្លូវទៅបុក​ដើមឈើខណៈកំពុងបើក​បររថយន្តក្នុងល្បឿនលឿន មិនអាចគ្រប់គ្រ​ងស្ថានកា​រណ៍បាន​។ រីឯវត្ថុតាងរថយន្ត ត្រូវបានយកមករក្សាទុក​នៅអធិការដ្ឋាននគរបាលស្រុកឱរ៉ាល់ ៕

...


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print