ខេត្តកំពង់ឆ្នាំង៖ ជនសង្ស័យចំនួន៤នាក់ត្រូវបានសមត្ថកិច្ចឃាត់បានជាបន្តបន្ទាប់ក្រោយពីក្រុមជនសង្ស័យបានធ្វើសកម្មភាពចែកចាយនិងប្រើប្រាស់ថ្នាំញៀន។

ការឃាត់ខ្លួននេះធ្វើឡើងកាលពីវេលាម៉ោង៧យប់ថ្ងៃទី១៣ ខែកញ្ញា ឆ្នាំ២០១៦ នៅឃុំខ្លុងពពក  ស្រុកទឹកផុស  ខេត្តកំពង់ឆ្នាំង និង បានបញ្ជូនមដល់ស្នងការដ្ឋាន នៅល្ងាចថ្ងៃទី១៤ ខែកញ្ញា ឆ្នាំ២០១៦ ។

សមត្ថកិច្ចបានឲ្យដឹងថា ជនសង្ស័យដែលបានឃាត់ខ្លួននេះទី១.ឈ្មោះគឹម កាក់ ភេទប្រុស អាយុ២៤ឆ្នាំ ទី២.ងួន ស៊ីវ៉េន ភេទប្រុស អាយុ១៦ឆ្នាំ ទី៣.ប៊ិនសំបៃ ភេទប្រុស អាយុ២៤ឆ្នាំ ទី៤.ឈ្មោះឌុល ចន្ធី ភេទប្រុស អាយុ២៨ឆ្នាំ ជនសង្ស័យទាំង៤នាក់នេះរស់នៅក្នុងឃុំខ្លុងពពក ស្រុកទឹកផុស ខេត្តកំពង់ឆ្នាំង ។ ចំណែកវត្តុតាងដែលបានដកហូតនាពេលនេះមានម៉ូតូ១គ្រឿង ថ្នាំម៉ាទឹកកក១កញ្ចប់ និងឧបករណ៍សម្រាប់សេពគ្រឿងញៀនមួយចំនួនផងដែរ ។

សមត្ថកិច្ចបានឲ្យដឹងទៀតថា ការឃាត់ខ្លួនជនសង្ស័យនេះគឺបន្ទាប់ពីបានចំលើយសារភាពរបស់ជនសង្ស័យម្នាក់រហួតឈានដល់ការដាក់កម្លាំងចាំឃ្លាំមើល និងស្ទាក់ចាប់បានក្រុមជនសង្ស័យទាំង៤នាក់នេះផងដែរ  ។  នៅពេលនេះសមត្ថកិច្ចកំពុងតែសួរនាំដើម្បីកសាងសំណុំរឿងបញ្ជូនទៅតុលាការចាត់ការបន្តទៅតាមនីតិវិធី ៕

ដោយ៖ ចន្ថា