ខេត្តកណ្តាល÷ មន្ត្រីនគរបាលស្រុកអង្គស្នួលបានអត់ដឹងនៅថ្ងៃទី 14 ខែកុម្ភៈឆ្នាំ 2026នេះថា កាលពីថ្ងៃទី ១០ខែកុម្ភៈ ឆ្នាំ២០២៦ វេលាម៉ោង១៦ និង០០នាទីចំណុច ភូមិអន្ទុងក្រវៀន ឃុំម្កាក់ ស្រុកអង្គស្នួល ខេត្តកណ្ដាលដោយឃាត់ខ្លួនជនសង្ស័យពីរនាក់ ។
ជនសង្ស័យ២នាក់ ប្រុស ឃាត់ខ្លួនមានសារធាតុញៀនក្នុងទឹកនោម(+)១-ឈ្មោះ យ៉ា ពិសិដ្ឋ ភេទប្រុស អាយុ ៣១ឆ្នាំ ជនជាតិខ្មែរ មុខរបរមិនពិត ប្រាកដ រស់នៅភូមិលំហាច ឃុំម្កាក់ ស្រុកអង្គស្នួល ( ជួញដូរប្រហែល២ខែ និងប្រេីប្រាស់ច្រើនលេីកប្រហែល១០ឆ្នាំ )។ ជននេះមានដីកាបង្គាប់ឱ្យចាប់ខ្លួន-ឃុំខ្លួន លេខ៧៦៨ចខ/ង ចុះថ្ងៃ ទី០៤ ខែកក្កដា ឆ្នាំ២០២៤ របស់ប្រធានក្រុមប្រឹក្សាជំនុំជម្រះ នៃសាលាដំបូងខេត្តកណ្តាល អ៊ុក សុវណ្ណារិទ្ធ ចោទពីបទហិង្សាដោយចេតនាមានស្ថានទម្ងន់ទោស ប្រព្រឹត្តនៅចំណុចផ្លូវលំខាងលិច ភូមិវែង ឃុំម្កាក់ ស្រុកអង្គស្នួល ខេត្តកណ្ដាល កាលពីថ្ងៃទី២៩ ខែមេសា ឆ្នាំ ២០២៣ ហើយធ្លាប់ជាប់មណ្ឌលស្តានីតិសម្បទា ក្រាំងធ្នង់ ០១លេីក រយៈពេល០៦ខែ ។
២-ឈ្មោះ សុខ ស៊ីមសិទ្ធី ហៅធី ភេទប្រុស អាយុ២៦ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិបឹងថ្នល់ ឃុំម្កាក់ ស្រុកអង្គស្នួល ខេត្តកណ្ដាល (ប្រេីប្រាស់ច្រើនលេីកប្រហែល៣ឆ្នាំ)។
វត្ថុតាងដកហូត៖
-ម្សៅក្រាមសថ្លាសង្ស័យសារធាតុញៀន(ម៉ាទឹកកក)០២កញ្ចប់ (ធំ០១កញ្ចប់ និងមធម្យម០១កញ្ចប់) ទម្ងន់=១០៩,៧៧ក្រាម។
-ម៉ូតូ០១គ្រឿង ម៉ាកhongda scoopy ពណ៌ស បិទស្កុតពណ៌ខ្មៅ សេរីឆ្នាំ2022 ពាក់ផ្លាកលេខស្ទឹងត្រែង1D.4401 លេខតួនិងលេខម៉ាស៊ីន8632 ។
-ជញ្ជីងថ្លឹងគ្រឿងញៀន ០១ ។
-កាបូបស្ពាយ០១ ។
-ឧបករណ៍ប្រើប្រាស់ វេចខ្ចប់គ្រឿងញៀនមួយចំនួន។
មុនពេលកេីតហេតុ កម្លាំងផ្នែកជំនាញប្រឆាំងគ្រឿង ញៀនស្រុក កម្លាំងផ្នែកនគរបាលនគរបាលយុត្តិធម៌ស្រុក ប៉ុស្តិ៍នគរបាលរដ្ឋបាលម្កាក់,ប៉ុស្តិ៍ទួលព្រេជ សហការជាមួយកម្លាំងការិយាល័យព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តកណ្តាល បានទទួលព័ត៌មានពីមហាជនល្អថា បានប្រទះឃេីញជនសង្ស័យឈ្មោះ យ៉ា ពិសិដ្ឋ ដែលមានដីកាបង្គាប់ឱ្យចាប់ខ្លួន របស់សាលាដំបូងខេត្តកណ្តាល និងជាមុខសញ្ញាជួញ ដូរដោយខុសច្បាប់នូវសារធាតុញៀន កំពុងធ្វេីដំណេីរតាមផ្លូវនៅក្នុងឃុំម្កាក់ ស្រុកអង្គស្នួល ខេត្តកណ្ដាល ។
ក្រោយពីទទួលបានព័ត៌មាន កម្លាំងសមត្ថកិច្ចបានចុះស៊េីបអង្កេតស្រាវជ្រាវឈានទៅដល់ធ្វេីការបង្ក្រាបឃាត់ ខ្លួនជនសង្ស័យបាន និងដកហូតបានម្សៅក្រាមសថ្លាសង្ស័យសារធាតុញៀនម៉ាទឹកកក២កញ្ចប់ (ធំ០១កញ្ចប់ និងមធ្យម០១កញ្ចប់) ម៉ូតូ០១គ្រឿង ជញ្ជីងថ្លឹងគ្រឿង ញៀន០១,កាបូបស្ពាយ០១ និងឧបករណ៍ប្រើប្រាស់ វេចខ្ចប់គ្រឿងញៀនមួយចំនួន។
ដោយមានបទបញ្ជាពីលោកឧត្តមសេនីយ៍ទោសស្នងការនគរបាលខេត្តកណ្តាលនិងសម្របសម្រួលពីព្រះរាជ អាជ្ញាអមសាលាដំបូងខេត្តកណ្តាល បានអនុញ្ញាតឱ្យកម្លាំងផ្នែកជំនាញស្រុក កម្លាំងប៉ុស្តិ៍នគរបាលរដ្ឋបាលម្កាក់ ប៉ុស្តិ៍ទួលព្រេជ សហការជាមួយកម្លាំងការិយាល័យព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្ត កណ្តាល មានការចូលរួមពីសមាជិកក្រុមប្រឹក្សាឃុំ, មេ ភូមិ សាក្សី និងនៅចំពោះមុខជនសង្ស័យឈ្មោះ យ៉ាពិសិដ្ឋ បានឆែកឆេរផ្ទះជនសង្ស័យ តែពុំបានដកហូតវត្ថុតាងអ្វីទៀតទេ។
នៅចំពោះមុខសមត្ថកិច្ច ជនសង្ស័យឈ្មោះយ៉ា ពិសិដ្ឋ បានឆ្លេីយសារភាពថាថ្នាំញៀនម៉ាកទឹកកក នៅចំពោះ មុខនេះជារបស់ខ្លួន ទិញពីមុខសញ្ញាមិនស្គាល់ នៅភ្នំពេញ ក្នុងតម្លៃ៦៨០$ ដោយផ្ញេីលុយឱ្យគេមុនទេីបគេយកមកប្លុងចោលតាមផ្លូវ រួចខ្លួនយកមកលក់បន្តនិងប្រេីប្រាស់ ។ កន្លងមកឈ្មោះ សុខ ស៊ីមសិទ្ធី ហៅធី ធ្លាប់ទិញថ្នាំញៀនពីខ្លួនច្រេីនលេីកមកហេីយ។
យោងតាមចម្លេីយសារភាពរបស់ឈ្មោះ យ៉ាពិសិដ្ឋ ទេីបសមត្ថកិច្ចឈានទៅដល់ឃាត់ខ្លួនបានជនសង្ស័យឈ្មោះ សុខ ស៊ីមសិទ្ធី ហៅធី នៅចំណុចភូមិបឹងថ្នល់ ឃុំម្កាក់ ស្រុកអង្គស្នួល ខេត្តកណ្ដាល ពុំបានដកហូតវត្ថុតាងអ្វីទេ។
ចំពោះករណីនេះ កម្លាំងផ្នែកជំនាញកំពុងកសាងសំណុំរឿងចាត់ការតាមនីតិវិធី៕
