ខ្សែប្រយុទ្ធស្បែកខ្មៅសញ្ជាតិប្រេស៊ីល Vinicius Jr បានស៊ុតបាល់ពិន័យ ប៉េណាល់ទី2គ្រាប់ជោគជ័យ ខណៈដែល Real Madrid បានយកឈ្នះលើក្រុម Real Sociedad ក្នុងលទ្ធផល 4-1 កាលពីថ្ងៃសៅរ៍ ដែលបានបញ្ជូនពួកគេទៅកាន់កំពូលតារាង LaLiga ជាបណ្តោះអាសន្ន។

អធិរាជស Real Madrid មាន 60 ពិន្ទុ ដែលនាំមុខពីរពិន្ទុលើក្រុមលេខ 2 Barcelona ដែលជាម្ចាស់ជើងឯករដូវកាលមុន ដែលមានការប្រកួតក្នុងដៃ នឹងទៅជួបគូប្រជែងក្នុងស្រុក Girona នៅថ្ងៃចន្ទ។

ខ្សែការពារTrent Alexander-Arnold ក៏បានរួមចំណែកជួយបញ្ជូនបាល់ឱ្យមិត្តរួមក្រុមក្នុងការចាប់ផ្តើមដំបូងរបស់គាត់ក្នុងរយៈពេលជាងពីរខែ។

កីឡាករអន្តរជាតិអង់គ្លេសរូបនេះបានអវត្តមានពេញមួយខែធ្នូ និងខែមករា ជាមួយនឹងរបួសភ្លៅបានធ្វើឱ្យក្រុមម្ចាស់ផ្ទះឆ្ពោះទៅរកជ័យជម្នះក្នុងលីកជាលើកទីប្រាំបីជាប់ៗគ្នា នៅពេលដែលគាត់បានបញ្ជូនបាល់ឱ្យ Gonzalo Garcia ស៊ុតចូលទីបន្ទាប់ពីលេងបានប្រាំនាទី។

Sociedad បានវាយបកនៅនាទីទី 21 នៅពេលដែល Mikel Oyarzabal តាមស្មើពីបាល់ប៉េណាល់ទីបន្ទាប់ពីមានកំហុសនៅក្នុងតំបន់គ្រោះថ្នាក់។

ប៉ុន្តែភាពស្មើគ្នាមានរយៈពេលត្រឹមតែ 4 នាទីប៉ុណ្ណោះ ក្រុម Real Madrid បានបន្តនាំមុខវិញដោយការស៊ុតបាល់ប៉េណាល់ទីរបស់ Vinicius Jr ដែលត្រូវបានធ្វើខុសដោយកីឡាករ Jon Aramburu ។

ប្រាំបីនាទីក្រោយមកទៀតកីឡាករFederico Valverde បញ្ចេញការវាយបកដ៏មានអានុភាពលើក្រុមភ្ញៀវឱ្យកើតភាពច្របូកច្របល់នាំមុខគ្រាប់ទីបី។

តង់ទី 2 បានធ្វើតាមគំរូស្រដៀងគ្នា ដោយ Vinicius បានស៊ុតបាល់ប៉េណាល់ទីម្តងទៀតនៅនាទីទី 48 ដើម្បីរកគ្រាប់បាល់ទី 10 របស់គាត់ក្នុងរដូវកាល និងបិទបញ្ចប់ការប្រកួតដោយទទួលបានបីពិន្ទុសម្រាប់ក្រុមរបស់គាត់៕