ខេត្តកំពង់ស្ពឺ ៖ រថយន្តគ្រួសារ១គ្រឿង ម៉ាកឡង់គ្រីស័រពណ៌ស ដឹកមនុស្ស៧នាក់ បាន ក្រឡាប់ លើល្បឿនលឿន បណ្តាលឱ្យស្លាប់មនុស្សម្នាក់ និង៦នាក់ទៀតរងរបួសធ្ងន់ និងស្រាល។

សូមបញ្ជាក់ថា ៖ ហេតុការណ៍នេះ បានកើតឡើងវេលាម៉ោង ១១៖៤៨នាទីថ្ងៃត្រង់ ថ្ងៃទី ២២ ខែកុម្ភៈ ឆ្នាំ២០២៦។

ប្រភពពីសមត្ថកិច្ច បានឱ្យដឹងថា រថយន្តជួបឧប្បត្តិហេតុខាងលើនេះ ម៉ាកឡង់គ្រីស័រ ពណ៌ស ពាក់ផ្លាកលេខភ្នំពេញ 2BM-9888 បានក្រឡាប់លើល្បឿនលឿន ចន្លោះ គីឡូម៉ែត្រលេខ៣៤-៣៥ ស្ថិតនៅភូមិកំណប់ សង្កាត់ស្វាយក្រវ៉ាន់ ក្រុងច្បារមន ខេត្ត កំពង់ស្ពឺ។

ប្រភពពីមន្ត្រីមូលដ្ឋានបញ្ជាក់ថា រថយន្តនេះ បានបើកបរពីទិសពីខាងលិច ទៅទិស ខាង កើត លុះមកដល់ចំណុចខាងលើ បានរ៉េចង្កូតបណ្តាលឱ្យរថយន្តក្រឡាប់។

សមត្ថកិច្ចមូលដ្ឋានឱ្យដឹងថា ជនរងគ្រោះក្នុងហេតុការណ៍នេះសរុបមាន ចំនួន ៧នាក់ ក្នុងមាន៖ ១- អ្នកបើកបរឈ្មោះ ជា ប៉ូលីន ភេទស្រីអាយុ ៣៨ឆ្នាំ, ២-ឈ្មោះ ស៊ីវ អ៊ី ភេទស្រី អាយុ ៣១ឆ្នាំ, ៣- ឈ្មោះ ចេង ណៃស៊ត ភេទស្រី អាយុ ៦៦ឆ្នាំ, ៤- ឈ្មោះ ជា ឆោម ភេទប្រុស អាយុ ៧៧ឆ្នាំ, ៥- ឈ្នោះ អ៊ឹង ស៊ុយឈៀង ភេទប្រុស អាយុ ១៥ឆ្នាំ,៦- ឈ្មោះ អ៊ឹង ស៊ុយហ្គិាច ភេទស្រីអាយុ ១០ឆ្នាំ អ្នកទាំង ៦អ្នករស់នៅភូមិ៣ សង្កាត់២ ក្រុងព្រះសីហនុ ខេត្តព្រះសីហនុ និងទី៧. ឈ្មោះ សូរ ដារ៉ាគន្ធី ភេទស្រីអាយុ ៤៥ឆ្នាំ រស់នៅភូមិបាជ័យ ឃុំសណ្តាន់ ស្រុកសណ្តាន់ ខេត្តកំពង់ធំ បានស្លាប់ភ្លាមៗ នៅ កន្លែង កើតហេតុ។

ក្រោយកើតហេតុរថយន្តត្រូវបានចរាចរណ៍នាយកដ្ឋានសណ្តាប់ធ្នាប់សាធារណៈ យកទៅរក្សាទុក ដើម្បីចាត់នីតិវិធីបន្ត។  ដោយឡែកសពជនរងគ្រោះ បានប្រគល់ឱ្យសាច់ញាតិដឹកយកទៅធ្វើបុណ្យតាមប្រពៃណី ។ ពិតជាមួយឱ្យរន្ធត់ចំពោះករណីគ្រោះថ្នាក់ចរាចរណ៍នេះ ចំថ្ងៃសម្រាកចុងសប្តាហ៍ ៕ 

ដោយ ៖ សិលា