ភ្នំពេញ៖ ទើបនិងស្គាល់គ្នាឲ្យខ្ចីម៉ូតូថាទៅមួយភ្លេចបាត់១អាទិត្យទើបរកឃើញចាប់ប្រគល់ឲ្យសមត្ថកិច្ចចាត់ការតាមផ្លូវច្បាប់ កាលវេលាម៉ោង៣ និង៣០នាទីរសៀលថ្ងៃទី១៤ ខែ កញ្ញា ឆ្នាំ ២០១៦ នៅចំណុចមុខក្លាងទ្វាវត្តសន្សំកុសល តាមផ្លូវ៣១BT សង្កាត់បឹងទំពុន ខណ្ឌមានជ័យ រាជធានីភ្នំពេញ ។

ជនរងគ្រោះមានឈ្មោះ សួស នរិន្ទ ភេទប្រុស អាយុ១៨ឆ្នាំ មុខរបរបុគ្គលិកសាច់អាំងវីធូ ស្នាក់នៅភូមិចំការឱឡឹក សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ បានប្រាប់ឲ្យដឹងថាដោយ កាលវេលាម៉ោង១០និង៣០នាទីព្រឹកថ្ងៃទី៧ ខែ កញ្ញា ឆ្នាំ២០១៦ នៅចំណុចរង្វង់មូលផ្សារដើមថ្លូវ ខណ្ឌចំការមនដោយបុរសជនសង្ស័យទើបនិងស្គាល់តាមរយៈមិត្តភក្តិតគ្នាហើយបានតេទូរស័ព្ទមកខ្ញុំថាឲ្យខ្ចីបន្តទៅជួបគេបន្តិចហើយយកមកឲ្យខ្ញុំនៅរង្វង់ផ្សារដើមថ្កូវរួចខ្ញុំក៏ជិះម៉ូតូម៉ាកHONDA CREA ពណ៌ទឹកប្រាក់ ពាក់ស្លាកលេខភ្នំពេញ1CJ-7399 ពេលជិះមកដល់ក៏ឲ្យបុរសជាជនសង្ស័យ(មិត្តភក្តិ)យកចេញទៅហើយក៏អង្គុយចាំបាត់រហូតដល់ម៉ោង៣និង៣០នាទីរសៀលថ្ងៃដដែលក៏មកដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលសង្កាត់ផ្សារដើមថ្កូវ ខណ្ឌចំការមន ដោយខ្លាចបុរសនោះយកទៅប្រព្រឹត្តបទល្មើសអ្វីខុសច្បាប់ ។

នគរបាលប៉ុស្តិ៍ផ្សារដើមថ្កូវ បានប្រាប់ថា ជនសង្ស័យមានឈ្មោះ ហេង សុភាព ហៅដាវិត ភេទប្រុស អាយុ៣២ឆ្នាំ មុខរបរមិនពិតប្រាកដ ស្នាក់នៅបន្ទប់ជួលសង្កាត់បឹងព្រលិត ខណ្ឌ៧មករា រាជធានីភ្នំពេញ បន្ទាប់ពីជនរងគ្រោះឃាត់ខ្លួនបុរសសង្ស័យ ហើយប្រគល់ឲ្យសមត្ថកិច្ចដោយចោទពីបទរំលោភលើសេចក្ដីទុកចិត្ត ចាត់ការតាមច្បាប់ ហើយជនសង្ស័យបានសារភាពខ្លួនបានយកម៉ូតូជនរងគ្រោះទៅបញ្ចាំក្នុងតំលៃ១០០ដុល្លារ ដើម្បីយកទៅលេងល្បែងហើយមិនទាន់មានលទ្ធភាពសងទេរួចកសាងសំណុំរឿងបញ្ជូលទៅអធិការដ្ឋាននគរបាលខណ្ឌចំការមនដើម្បីចាក់ការតាមនីតិវិធី៕

ដោយ៖ ស រស្មី