ការប្រកួតពានរង្វាន់ Finalissima រវាងអាហ្សង់ទីន និងអេស្ប៉ាញត្រូវបានលុបចោល ដោយសារសង្រ្គាមនៅមជ្ឈិមបូព៌ា។

 

ម្ចាស់ជើងឯកទ្វីបអឺរ៉ុប អេស្ប៉ាញ ត្រូវប្រកួតជាមួយក្រុមជើងឯកអាមេរិកខាងត្បូង(Copa America) អាហ្សង់ទីន នៅប្រទេសកាតា នៅថ្ងៃទី ២៦ ខែមីនា។

 

Uefa បាននិយាយថាសំណើរៀបចំការប្រកួតនៅកីឡាដ្ឋាន Bernabeu របស់ Real Madrid ឬលេងការប្រកួតពីរជើងនៅទីក្រុង Madrid និង Buenos Aires ត្រូវបានច្រានចោលដោយអាហ្សង់ទីន។

 

UEFA បានបន្ថែមថា “ដោយសារតែស្ថានភាពនយោបាយក្នុងតំបន់បច្ចុប្បន្ន ការប្រកួត Finalissima មិនអាចត្រូវបានលេងដូចការរំពឹងទុកនៅក្នុងប្រទេសកាតានោះទេ។

 

កាលពីថ្ងៃសៅរ៍ ការប្រកួតប្រណាំងរថយន្ត Formula 1 Grands Prix របស់បារ៉ែន និងអារ៉ាប៊ីសាអូឌីត ដែលនឹងត្រូវធ្វើឡើងក្នុងខែមេសា ត្រូវបានលុបចោល។

 

Formula 1 បាននិយាយថាវាមិនមានសុវត្ថិភាពក្នុងការរៀបចំការប្រណាំងដោយសារតែជម្លោះនៅទូទាំងតំបន់។

 

Finalissima ដែលត្រូវបានរៀបចំឡើងរៀងរាល់ 4 ឆ្នាំម្តង ហើយត្រូវបានរៀបចំឡើងដោយ Uefa និងសហព័ន្ធបាល់ទាត់អាមេរិកខាងត្បូង (Conmebol) ចំណែកអ្នកឈ្នះចុងក្រោយគឺអាហ្សង់ទីននៅទឹកដី Wembley ក្នុងឆ្នាំ 2022៕