Bayern Munich បានទាញយកអត្ថប្រយោជន៍នៅក្នុងការប្រកួតវគ្គ 1/4 ផ្តាច់ព្រ័ត្រនៃក្របខ័ណ្ឌ Champions League របស់ពួកគេជាមួយ នឹងជ័យជម្នះដ៏គួរឱ្យចាប់អារម្មណ៍ក្នុងការប្រកួតជើងទីមួយនៅឯកីឡដ្ឋាន Bernabeu លើក្រុម Real Madrid 2-1។

 

ខ្សែប្រយុទ្ធអង់គ្លេស Kane ដែលត្រូវបានគ្រូបង្វឹកអង់គ្លេស Thomas Tuchel ឱ្យត្រលប់មកវិញបន្ទាប់ពីបញ្ហាតូចតាចដែលបង្ខំឱ្យគាត់ខកខានការប្រកួតមិត្តភាពអន្តរជាតិទល់នឹងជប៉ុន និងការឈ្នះនៅ Bundesliga របស់ Bayern ទល់នឹង Freiburg អាចវិលត្រឡប់មកលេងវិញហើយបានស៊ុតបញ្ចូលទីជ័យជម្នះដ៏មានសារៈសំខាន់ដល់ក្រុមBayern Munich ទៀតផង។

 

ប្រធានក្រុមអង់គ្លេសវ័យ 32 ឆ្នាំរូបនេះបានបរាជ័យមិនអាចរកគ្រាប់បាល់ក្នុងតង់ទី 1 ទេតែអតីតខ្សែប្រយុទ្ធក្រុម Liverpool កីឡាករ Luis Diaz បានជួយឱ្យក្រុម Bayern នាំមុខរយៈពេល 4 នាទីមុនចប់តង់ទីមួយ។

 

Bayern បានបង្កើនការនាំមុខរបស់ពួកគេបានគ្រាប់ទីពីរបន្ទាប់ពីការចាប់ផ្តើមតង់ទីពីរឡើងវិញខណៈដែល Michael Olise បានវាយបកបញ្ចូនបាល់ឱ្យ Harry Kane បញ្ចប់យ៉ាងស្អាត។ ចំណែកម្ចាស់ផ្ទះអាចរកបានមួយគ្រាប់វិញដោយហើយ Kylian Mbappe នៅនាទីទី 74 ដោយការបញ្ជូនបាល់ទាបរបស់ Trent Alexander-Arnold នៅបង្គោលឆ្ងាយ៕