នៅថ្ងៃទី១៧ ខែ មេសា ឆ្នាំ២០២៦ នេះសមត្ថកិច្ចនគរបាលស្រុកឯកភ្នំបានបញ្ជូនជនសង័្សយចំនួន០២នាក់មកកាន់ការិយាល័យជំនាញនៅស្នងការដ្ឋាននគរបាលខេត្តបាត់ដំបងបន្ទាប់ពីបានធ្វេីការសាកសួរបំពេញសំណុំរឿងចប់សព្វគ្រប់រួចមក។
កិច្ចការនេះគឺនៅថ្ងៃទី១៦ ខែមេសា ឆ្នាំ២០២៦វេលាម៉ោង១០:០០នាទី ស្របតាមអនុសាសន៍ដ៏ខ្ពង់ខ្ពស់របស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងយោបល់ដឹកនាំរបស់លោកឧត្តមសេនីយ៍ទោ ដាញ់ អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ដំបងនៅចំណុចភូមិពាមឯក ឃុំពាមឯក ស្រុកឯកភ្នំ ខេត្តបាត់ដំបង លោកវរសេនីយ៍ឯក ឆាយ ម៉ាប់ អធិការនគរបាលស្រុកឯកភ្នំបានដឹកនាំកម្លាំងផ្នែកយុត្តិធម៌ នៃអធិការដ្ឋាននគរបាលស្រុកនាំខ្លួនជនសង្ស័យចំនួន០២នាក់គឺ៖
១-ឈ្មោះដា ដេត ហៅខ្លឹង ភេទប្រុស អាយុ១៩ឆ្នាំមានទីលំនៅភូមិពាមឯក ឃុំពាមឯកស្រុកឯកភ្នំ ខេត្តបាត់ដំបង ។
២-ឈ្មោះទៀត ឈ្មោះសែម ណារ៉ុងហៅបេង ភេទប្រុស អាយុ២០ឆ្នាំមានទីលំនៅភូមិព្រែកឆ្តោរ ឃុំពាមឯក ស្រុកឯកភ្នំ ខេត្តបាត់ដំបង។
ដោយនាំមកសាកសួរទាក់ទងនឹងករណីហិ-ង្សាដោយចេតនាមានស្ថានទម្ងន់ទោសប្រេីក-ាំបិ-តក-ាប់លេីជនរងគ្រោះឈ្មោះទឹង ឆានុន ភេទប្រុស អាយុ១៧ឆ្នាំមានទីលំនៅភូមិសួសអី ឃុំពាមឯក ស្រុកឯកភ្នំ ខេត្តបាត់ដំបង រងរបួសលើក្បាលខាងក្រោយផ្នែកខាងស្តាំដេរចំនួន២០ថ្នេរកាលពីថ្ងៃទី១៥ ខែ មេសា ឆ្នាំ២០២៦។
ពេលសាកសួររូបគេបានសារភាពថាពិតជាបានធ្វើសកម្មភាពក-ាប់ជនរងគ្រោះពិតប្រាកដមែន មូលហេតុដោយសារដោះស្រាយគំនុំចាស់។
-វត្ថុតាងដកហូតរួមមាន៖
-កាំបិតខ្វែវដងដែកចំនួន០១។
ជនសង័្សយនិងវត្ថុតាងនគរបាលខេត្តនឹងរៀបចំបញ្ជូនបន្តទៅកាន់អយ្យការអមសាលដំបូងខេត្តបាត់ដំបងអនុវត្តតាមនីតិវិធី ច្បាប់៕(រូបភាពនគរបាលស្រុកឯកភ្នំ)
