កម្លាំងចម្រុះស្រុកសំពៅលូន ឃាត់ខ្លួនជនជាតិថៃ០៦នាក់លួចឆ្លងដែនខុសច្បាប់

ចែករំលែក៖

ខេត្តបាត់ដំបង៖ ជនជាតិថៃប្រុស ស្រី៦នាក់ត្រូវបានគេរាយការណ៍ថាៈមានក្រុមមេខ្យល់ដាក់ប្លុងចោលបម្រុងលួចឆ្លងដែនខុសច្បាប់ ត្រូវសមត្ថកិច្ចឃាត់ខ្លួន។

សមត្ថកិច្ចបន្តថា ក្រោមការបញ្ជាផ្ទាល់ពីថ្នាក់ដឹកនាំ និងការយកចិត្តទុកដាក់ខ្ពស់លើសន្តិសុខតាមខ្សែបន្ទាត់ព្រំដែន កាលពីវេលាម៉ោង០១និង៥០នាទីយប់រំលងអធ្រាត្រឈានចូលថ្ងៃទី ២០ ខែមេសា ឆ្នាំ២០២៦ នេះ កម្លាំងចម្រុះក្នុងស្រុកសំពៅលូន បានបើកប្រតិបត្តិការបង្ក្រាបនិងឃាត់ខ្លួនជនជាតិថៃចំនួន ០៦នាក់ (ស្រី ០១ នាក់) ខណៈដែលពួកគេត្រូវបានគេដឹកយកមកប្លុងចោលក្នុងទឹកដីកម្ពុជា។ កិច្ចប្រតិបត្តិការនេះ គឺជាកិច្ចសហការយ៉ាងស្អិតរមួតរវាង ក្រុមការងារទំនាក់ទំនងកម្ពុជា-ថៃ ច្រកអន្តរជាតិគីឡូ១៣ (ភ្នំដី) ជាមួយកម្លាំងកងពលតូចថ្មើរជើងលេខ៥៣, សឹករងស្រុកសំពៅលូន និងវរសេនាតូចលេខ ៥៥១។ ជនជាតិថៃទាំងនោះត្រូវបានរថយន្តម៉ាក Toyota Alphard ពណ៌ខ្មៅមួយគ្រឿងដឹកចេញពីក្រុងប៉ោយប៉ែត រួចយកមកទម្លាក់ចោលនៅចំណុចភូមិគីឡូ១៣ ឃុំសន្តិភាព ស្រុកសំពៅលូន ខេត្តបាត់ដំបង។