កាំភ្លើងធំ Arsenal បានបើកការនាំមុខចំនួន 6 ពិន្ទុនៅលើកំពូលតារាងអង់គ្លេស Premier League កាលពីថ្ងៃសៅរ៍ជាមួយនឹងការទទួលជ័យជម្នះ 3-0 យ៉ាងងាយស្រួលនៅក្នុងផ្ទះលើក្រុម Fulham ដោយសារការស៊ុតបញ្ចូលទីក្នុងតង់ទី 1 ដោយកីឡាករ Viktor Gyokeres ចំនួនពីរគ្រាប់និងមួយគ្រាប់ពី Bukayo Saka ។

 

Arsenal ឡើងដល់ 76 ពិន្ទុពី 35 ប្រកួតជាមួយនឹងក្រុមលេខ 2 Manchester City មាន 70 ពិន្ទុពី 33 ប្រកួត ហើយប្រហែលជាសំខាន់ Arsenal ឥឡូវនេះមានប្រៀប 4 គ្រាប់លើគ្រាប់បាល់ខុសគ្នា។

 

យ៉ាងណាមិញ ក្រុមកាំភ្លើងធំអាចនឹងមកឈរលេខរៀងទីពីរម្ដងទៀត ប្រសិនបើ Man City ឈ្នះការប្រកួតពីរលើករបស់ពួកគេមុនការប្រកួតលីគបន្ទាប់របស់ Arsenal នៅលើទឹកដី West Ham United នៅថ្ងៃទី 10 ខែឧសភា។

 

Arteta បានប្រាប់អ្នកយកព័ត៌មានថា៖ “ជ័យជម្នះប្រាប់ថាយើងវារក្សាក្តីសុបិនឱ្យនៅរស់នៅឡើយ”។

 

Fulham ឈរនៅលេខរៀងទី 10 ដោយមាន 48 ពិន្ទុពី 35 ប្រកួត បីពិន្ទុតាមពីក្រោយគូប្រជែងទីក្រុងឡុងដ៍ភាគខាងលិច Brentford ក្នុងចំណាត់ថ្នាក់លេខ 6 ហើយទោះបីជាពួកគេធ្វើមិនបានល្អក៏ដោយគ្រូបង្វឹក Marco Silva បាននិយាយថាពួកគេនៅតែស្ថិតក្នុងដំណើរការសម្រាប់យុទ្ធនាការដណ្តើមកៅអីលេងពានអឺរ៉ុបជាលើកដំបូងចាប់តាំងពីឆ្នាំ 2011/12 ៕