ក្រុមហ៊ុន Louis Vuitton បានប្រកាសអ្នកជិះស្គីអាមេរិក និងម្ចាស់ជើងឯកអូឡាំពិក Alysa Liu ជាឯកអគ្គរដ្ឋទូតពិភពលោកថ្មីបំផុតរបស់ខ្លួន។
កីឡាករិនីអាមេរិកវ័យ២០ឆ្នាំចូលរួមក្រុមហ៊ុនម៉ូដដ៏ធំរបស់បារាំងបន្ទាប់ពីបង្កើតប្រវត្តិសាស្ត្រក្នុងព្រឹត្តិការណ៍កីឡាអូឡាំពិករដូវរងាឆ្នាំ២០២៦នៅអ៊ីតាលី។
Ghesquière នាយកសិល្បៈនៃបណ្តុំនារី LV បាននិយាយនៅក្នុងសេចក្តីថ្លែងការណ៍មួយថា “Alysa Liu តំណាងឱ្យស្ត្រី Louis Vuitton សម័យទំនើប – មានទំនុកចិត្ត ភាពច្នៃប្រឌិត និងមិនភ័យខ្លាចទាំងស្រុង។ ថាមពលដ៏ស្វាហាប់ និងភាពជាបុគ្គលរបស់នាង ឆ្លុះបញ្ចាំងពីស្មារតីផ្ទះ ហើយនាងជំរុញយើងទាំងអស់គ្នាឱ្យទទួលយកភាពក្លាហានក្នុងគ្រប់ទម្រង់។”
Liu បានក្លាយជាជនជាតិអាមេរិកដំបូងគេដែលឈ្នះមេដាយមាសអូឡាំពិកឯកត្តជនក្នុងការជិះស្គីលើទឹកកកចាប់តាំងពី Sarah Hughes ក្នុងឆ្នាំ 2002។ នាងក៏បានឈ្នះមេដាយមាសនៅក្នុងព្រឹត្តិការណ៍ក្រុមផងដែរ។នាងបានចូលនិវត្តន៍ពីកីឡានៅអាយុ 16 ឆ្នាំ ប៉ុន្តែបានត្រលប់មកវិញពីរឆ្នាំក្រោយជាមួយនឹងក្រុមថ្មី អាកប្បកិរិយាថ្មី និងស្ទីលផ្ទាល់ខ្លួនប្លែកៗ។
Liu ក៏មានភាពជាដៃគូសកម្មជាមួយក្រុមហ៊ុន Nike ហើយថ្មីៗនេះបានចាប់ដៃជាមួយ Sephora ដែលជាក្រុមហ៊ុនមួយទៀតគ្រប់គ្រងដោយក្រុម LVMH៕
