ភ្នំពេញ ៖ លោក នេត្រ ភក្ត្រា រដ្ឋមន្ត្រីក្រសួងព័ត៌មាន អញ្ជើញជាអធិបតីពិធីបិទសិក្ខាសាលាស្តីពី “រួមគ្នាលើកកម្ពស់សីលធម៌ តាមរយៈការផ្សព្វផ្សាយ” ក្នុង គោលបំណងផ្សព្វផ្សាយសេចក្តីណែនាំអន្តរក្រសួង ដើម្បីជំរុញការលើកកម្ពស់វប្បធម៌ ប្រពៃណី ទំនៀមទំលាប់ និងសីលធម៌ដ៏ផូរផង់របស់ជាតិខ្មែរ ជាពិសេសថែរក្សាកិត្តិយស សេចក្តីថ្លៃថ្នូរ និងគុណតម្លៃស្ត្រី ក្នុងបរិបទនៃ ការរីកចម្រើនផ្នែកឌីជីថល និងប្រព័ន្ធផ្សព្វផ្សាយ នាព្រឹកថ្ងៃទី២០ ខែឧសភា ឆ្នាំ២០២៦។
ពិធីនេះក៏មានការអញ្ជើញចូលរួមពីសំណាក់ លោកស្រី ហ៊ូ និរមិត្តា រដ្ឋលេខាធិការក្រសួងកិច្ចការនារី លោកស្រី ឡងឌី សាន់ណារ៉ា រដ្ឋលេខាធិការក្រសួងវប្បធម៌ និងវិចិត្រសិល្បៈ លោក លោកស្រី ជាថ្នាក់ដឹកនាំក្រសួងព័ត៌មាន លោក លោកស្រី អ្នកនាងកញ្ញា អ្នកសារព័ត៌មាន តំណាងអង្គភាពសារព័ត៌មាន ពិធីករ ពិធីការិនី អ្នកផលិតមាតិកា តំណាងសមាគមសិល្បៈ អ្នកផ្សាយពាណិជ្ជកម្ម ម្ចាស់ផលិតផល សិស្ស និស្សិត ៕
រូបថត៖ ខឹម សុវណ្ណារ៉ា
