ខេត្តកំពង់ធំ៖ បុរសចំណាស់ម្នាក់ក្រោយពីផឹកស្រាស្រវឹងបានទៅដេញក្របីមកផ្ទះវិញ កាលពីវេលាម៉ោង៥និង៣០នាទីល្ងាច ថ្ងៃទី២០ខែកញ្ញា ឆ្នាំ២០១៦ មកដល់បឹងមួយក៏ដកព្រលឹតយកទៅធ្វើម្ហូបក៏បានលង់ទឹកស្លាប់ នៅត្រង់ចំនុចភូមិឈើល្វីង ឃុំតាំងក្រសាំង ស្រុកសន្ទុក ខេត្តកំពង់ធំ។

បើតាមប្រភពព័ត៌មានពីសមត្ថកិច្ចបានឲ្យដឹងថា ជនរងគ្រោះមានឈ្មោះ ស៊ឹង ឈេងលី ភេទប្រុស អាយុ៥០ឆ្នាំ រស់នៅក្នុងភូមិឃុំកើតហេតុខាងលើ ក្រោយពីលង់ទឹកត្រូវបានកូនៗជួយសង្រ្គោះភ្លាមៗតែអកុសលមិនអាចជួយបានដោយសារតែជនរងគ្រោះបានដាច់ខ្យល់ស្លាប់បាតទៅហើយ ក្រោយមកក៏បានធ្វើកុសលវិច្ច័យពិនិត្យរកមើលស្លាក់ស្នាមពុំមានពាក់ព័ន្ធនិងអំពើឃាតកម្មនោះទេ ទើបសមត្ថកិច្ចប្រគល់សាកសពជូនក្រុមគ្រួសារយកទៅធ្វើបុណ្យតាមប្រពៃណីនៅគេហដ្ឋានសពតែម្ដង ៕

ដោយ៖ ប៊ុន រិទ្ធី