ភ្នំពេញ៖ កម្លាំងជំនាញការិយាល័យប្រឆាំងបទល្មើសគ្រឿងញៀន នៃកងរាជអាវុធហត្ថរាជធានីភ្នំពេញ សហការជាមួយកម្លាំងមូលដ្ឋានអាវុធហត្ថខណ្ឌឬស្សីកែវ និងកម្លាំងមូលដ្ឋានអាវុធហត្ថខណ្ឌទួលគោក បើកប្រតិបត្តិការបង្ក្រាបករណីជួញដូរ និងរក្សាទុកសារធាតុញៀនដោយខុសច្បាប់ ដោយឃាត់ខ្លួនជនសង្ស័យបានចំនួន ០១នាក់ រួមនឹងដកហូតគ្រឿងញៀនទម្ងន់ជាង ១គីឡូក្រាម។
ប្រតិបត្តិការនេះ បានធ្វើឡើងបន្ទាប់ពីកម្លាំងសមត្ថកិច្ចបើកការស្រាវជ្រាវអស់រយៈពេលជាច្រើនថ្ងៃមក ហើយនៅថ្ងៃទី២២ ខែឧសភា ឆ្នាំ២០២៦ កម្លាំងជំនាញបានឈានដល់ការឃាត់ខ្លួនជនសង្ស័យឈ្មោះ ឌី គឹមលាង ភេទប្រុស អាយុ ២៩ឆ្នាំ នៅចំណុចផ្លូវលំ ភូមិក្រោលគោ សង្កាត់គីឡូម៉ែត្រលេខ៦ ខណ្ឌឬស្សីកែវ រាជធានីភ្នំពេញ។
តាមរបាយការណ៍សមត្ថកិច្ច ជនសង្ស័យពាក់ព័ន្ធនឹងករណីជួញដូរ និងរក្សាទុកនូវសារធាតុញៀនដោយខុសច្បាប់ ខណៈវត្ថុតាងដែលសមត្ថកិច្ចដកហូតបាន រួមមាន៖
* ក្រាមពណ៌សចំនួន ២១កញ្ចប់ (ធំ-តូច)
* ទម្ងន់សរុប ១២១១,៤០ក្រាម ស្មើនឹង ១គីឡូ ២ខាំ ១១.៤០ក្រាម
* ជញ្ជីងសម្រាប់ថ្លឹងគ្រឿងញៀនចំនួន ០៣គ្រឿង
* ដបសម្រាប់ជក់គ្រឿងញៀនចំនួន ០១
* និងសម្ភារពាក់ព័ន្ធមួយចំនួនទៀត។
បច្ចុប្បន្ន ជនសង្ស័យ រួមទាំងវត្ថុតាង ត្រូវបានកម្លាំងជំនាញការិយាល័យប្រឆាំងបទល្មើសគ្រឿងញៀន នៃកងរាជអាវុធហត្ថរាជធានីភ្នំពេញ កសាងសំណុំរឿងបញ្ជូនទៅតុលាការ ដើម្បីចាត់ការបន្ត និងផ្តន្ទាទោសតាមនីតិវិធីច្បាប់៕
