ខេត្តស្វាយរៀង:រដ្ឋបាលក្រុងបាវិត ចុះធ្វើរដ្ឋបាលចំហរ ផ្ទះលំហែរ ស្ថិតនៅធ្លក សង្កាត់ច្រកម្ទេស ក្រុងបាវិតពាក់ព័ន្ធករណីសង្ស័យឆបោកតាមប្រព័ន្ធបច្ចេកវិទ្យា (Online Scam) ឃាត់ មនុស្សចំនួន ១៩នាក់ ស្រី ៤នាក់។

សមត្ថកិច្ចបានអោយដឹងថា នាថ្ងៃទី៣ ខែមិថុនា ឆ្នាំ២០២៦ គណៈបញ្ជាការឯកភាពក្រុងបាវិត ដឹកនាំដោយ លោក ជូ ខេមរិទ្ធ អភិបាលរង នៃគណៈអភិបាលក្រុង សហការជាមួយកងរាជអាវុធខេត្តស្វាយរៀង បានចូលរួមចុះស្រាវជ្រាវ និងបង្រ្កាប ពាក់ព័ន្ធករណីសង្ស័យឆបោកតាមប្រព័ន្ធបច្ចេកវិទ្យា (Online Scam) ចំនួន ១ទីតាំងគឺផ្ទះលំហែរ ស្ថិតនៅធ្លក សង្កាត់ច្រកម្ទេស ក្រុងបាវិត ដោយមានការសម្របសម្រួលពី លោក ដូរ៉ា អង្គប្រទាន ព្រះរាជអាជ្ញារង នៃអយ្យការអមសាលាដំបូងខេត្តស្វាយរៀង។ 

ប្រភពបន្តថា ក្នុងនោះ មានការចូលរួមពី អាជ្ញាធរភូមិ ជាលទ្ធផល ក្រុមការងារបានរកឃើញករណីពាន់ព័ន្ធ បទល្មើសឆបោកតាមប្រព័ន្ធបច្ចេកវិទ្យា មានមនុស្សចំនួន ១៩នាក់ ស្រី ៤នាក់ វត្ថុតាងរួមមាន ទូរស័ព្ទដៃផ្ទាល់ខ្លួនចំនួន ២២គ្រឿង ទូរស័ព្ទដៃក្រុមហ៊ុនចំនួន ២១០០ គ្រឿង លិខិឆ្លងដែន ៦ក្បាល សៀវភៅការងារចំនួន ៥៦សន្លឹក អត្តសញ្ញាណបណ្ណជនជាតិវៀតណាម ៩សន្លឹក ដុំវ៉ាយហ្វាយ ២ គ្រឿង ទូរដែក ១គ្រឿង កុំព្យូទ័រយូរដៃ ១៩គ្រឿង កុំព្យូទ័រលើតុ ៥គ្រឿង ម៉ាស៊ីនភ្លើង ២គ្រឿង ក្រាមពណ៌សថ្លា ៤កញ្ចប់ និងសម្ភារ:ប្រើប្រាស់គ្រឿងញៀនមួយចំនួន។ ចំពោះមនុស្ស និងសម្ភារៈត្រូវបានបញ្ជូនទៅកងរាជអាវុធហត្ថខេត្តស្វាយរៀងដើម្បីធ្វើនីតិវិធីបន្ត ផងដែរ។