ភ្នំពេញ៖ លោក ឯក ឃុនដឿន អភិបាលរងរាជធានី ក្រោមបញ្ជាផ្ទាល់ពី លោក ឃួង ស្រេង អភិបាលរាជាធានីភ្នំពេញ នៅរសៀលថ្ងៃសៅរ៍ទី៦ ខែមិថុនា ឆ្នាំ២០២៦នេះ បានដឹក នាំក្រុមការងារ ដោយសហការជាមួយ គណបញ្ជាការឯកភាពខណ្ឌចំការមន បានចុះធ្វើរដ្ឋបាល និងបង្ក្រាបទីតាំងបើកល្បែងសុីសងខុសច្បាប់ចំនួន ៦ទីតាំង នៅទីតាំងផ្សារចិនផ្លូវ ៧៨ សង្កាត់ទន្លេរបាសាក់ ខណ្ឌចំការមន ។
នេះបើតាមការឱ្យដឹងពីលោកស្រី ដោ សម្ផស្ស នាយក រងរដ្ឋបាល និងជាអ្នកនាំពាក្យរដ្ឋបាលសាលារាជធានីភ្នំពេញ នាយប់ថ្ងៃទី០៦ ខែមិថុនា ឆ្នាំ២០២៦ ។ ប្រតិបត្តិការនេះ ក្រុម ការងារបានឃាត់ខ្លួនជនបរទេស ២នាក់ ដែលស្នាក់នៅគ្មានលិខិតឆ្លងដែន ។ ក្រោម ការយកចិត្តទុក ដាក់របស់លោក ឃួង ស្រេង អភិបាលរាជធានី ភ្នំពេញ បានណែនាំដល់លោក និងលោកស្រី អភិបាលខណ្ឌ និងជាប្រធានគណៈបញ្ជាការឯកភាពរដ្ឋបាលខណ្ឌទាំង១៤ ត្រូវតែបន្តបំពេញការងារព្រមៗគ្នាដោយប្ដេជ្ញាថា នឹងលុបបំបាត់ឱ្យអស់នូវរាល់បទល្មើសផ្សេងៗរាប់ទាំង ល្បែងស៊ីសងគ្រប់ប្រភេទជាពិសេសបទ ល្មើសឆបោកតាមប្រព័ន្ធបច្ចេកវិទ្យាONLIN ESCA MS ក្នុងមូលដ្ឋានរបស់ខ្លួនឱ្យអស់ ។
សូមបញ្ជាក់ថា៖ ជាក់ស្តែងនៅថ្ងៃទី៥ ខែមិថុនា ឆ្នាំ២០២៦ ម្សិលម៉ិញ ក្រុមការងារបានដឹកនាំកម្លាំងចុះត្រួតពិ និត្យតាមទីតាំងសង្ស័យប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា ONLINE SCAMSបានចំនួន១០០ទីតាំងរកឃើញជនបរទេសស្នាក់នៅចំនួន១០៦៣នាក់ (ស្រី៣៨១ នាក់ ) គ្មានលិខិតឆ្លងដែនចំនួន៦នាក់។ ក្នុងចំណោម១០០ ទីតាំងនេះ ក្នុងនោះក្រុមការងារបានពិនិត្យឃើញមានទីតាំងសង្ស័យប្រព្រឹត្តបទល្មើសការឆបោកតាមប្រព័ន្ធបច្ចេកវិទ្យា (ONLINE SCAMS)ចំនួន២ ករណី ៕ ដោយ សំរិត