ក្លិប Fenerbahçe របស់ប្រទេសតួកគី បានប្រកាសជាផ្លូវការកាលពីថ្ងៃអង្គារថា បានចុះហត្ថលេខានាំយកខ្សែប្រយុទ្ធអង់គ្លេស Mason Greenwood ពីក្លិប Olympique de Marseille ក្នុងតម្លៃ ៣៩ លានអឺរ៉ូ (ប្រហែល ៤៤,៥ លានដុល្លារអាមេរិក)។

ក្លិប Fenerbahçe បានបញ្ជាក់ថា បានឈានដល់កិច្ចព្រមព្រៀងជាមួយទាំងកីឡាករ និងក្លិប Marseille ដោយថ្លៃផ្ទេរនឹងត្រូវបង់ជា ៣ ដំណាក់កាលស្មើៗគ្នា ក្នុងរយៈពេល ៣ ឆ្នាំខាងមុខ។

ក្រៅពីនេះ Fenerbahçe ក៏នឹងទទួលបន្ទុកបង់ ថវិកាចែកជូនក្លិបដែលធ្លាប់បណ្តុះបណ្តាលកីឡាករ ស្របតាមបទប្បញ្ញត្តិរបស់ FIFA ផងដែរ។

Greenwood បានផ្ទេរពី Manchester United ទៅកាន់ Marseille នៅខែកក្កដា ឆ្នាំ២០២៤ ដោយចុះកិច្ចសន្យា ៥ ឆ្នាំ បន្ទាប់ពីបញ្ចប់អាជីពដ៏យូរជាមួយក្លិបនៅ Premier League។

Fenerbahçe សង្ឃឹមថា Greenwood នឹងជួយពង្រឹងតំបន់ប្រយុទ្ធរបស់ក្រុម ខណៈពួកគេកំពុងប្រជែងដើម្បីឈ្នះជើងឯក លីគកំពូលតួកគី ជាលើកដំបូងចាប់តាំងពីឆ្នាំ ២០១៤ មក។

ក្នុងរយៈពេល ២ រដូវកាល ជាមួយ Marseille ខ្សែប្រយុទ្ធវ័យ ២៤ ឆ្នាំ រូបនេះ ស៊ុតបញ្ចូលទីបាន ៣៧ គ្រាប់ ក្នុងការបង្ហាញខ្លួន ៦៦ ប្រកួត នៅលីគបារាំង៕