ខេត្តបន្ទាយមានជ័យៈមន្ទីរសេដ្ឋកិច្ចនិងហិរញ្ញវត្ថុខេត្តបើកចំកិច្ចប្រជុំផ្សព្វផ្សាយសារាចរណែនាំស្ដីពីការរៀបចំផែនការយុទ្ធសាស្ត្រថវិកា ខេត្តឆ្នាំ ២០២៧-២០២៩ និងនីតិវិធីបច្ចេកទេស នៃការរៀបចំគម្រោង
ថវិការបស់រដ្ឋបាលថ្នាក់ក្រោមជាតិឆ្នាំ២០២៧ ក្នុងថ្ងៃទី១៧ ខែកក្កដា ឆ្នាំ២០២៦នៅ សាលាខេត្តបន្ទាយមានជ័យ ។
ក្នុងកិច្ចប្រជុំឯកឧត្តមអ៊ុំ រាត្រីមានប្រសាសន៍ថាៈគោលការណ៍គន្លឹះនិងបច្ចេកទេសថ្មីៗ សម្រាប់ធ្វើបច្ចុប្បន្នភាពផែនការយុទ្ធសាស្ត្រថវិកាខេត្តឆ្នាំ២០២៧ ២០២៩ និងវិធានការបង្កើនប្រសិទ្ធភាពនៃការប្រមូលចំណូលពីការកំណត់អាទិភាពចំណាយ និងអាទិភាពគោលនយោបាយ និងជាមូលដ្ឋានសម្រាប់រៀបចំគម្រោងថវិកាឆ្នាំ២០២៧ របស់រដ្ឋបាលថ្នាក់ក្រោមជាតិ នៃការគ្រប់គ្រងការអនុវត្តថវិកាឈានទៅការបង្កើនលទ្ធផលជាក់ស្តែង អាចវាស់វែងបាន និងរួមចំណែកដោយផ្ទាល់ក្នុងការសម្រេចនូវគោលបំណងគោលនយោបាយអាទិភាពរបស់រដ្ឋបាលថ្នាក់ក្រោមជាតិ រាជរដ្ឋាភិបាល នឹងបន្តផ្ដោតសំខាន់លើការបន្តពង្រឹងប្រសិទ្ធភាពថវិកា ទាំងកម្រិតវិភាជន៍ និងកម្រិតប្រតិបត្តិការតាមរយៈការបន្ត ធ្វេីអាទិភាវូបនីយ៍កម្មចំណាយ ដោយក្នុងនោះក្រប
ខ័ណ្ឌចំណាយ សាធារណៈនឹងត្រូវរៀបចំឡើងដើម្បីកំណត់ទិសដៅឈានទៅកាន់មុខសញ្ញា ដែលជាអាទិភាពសំខាន់ៗ ចំពោះមុខ ជាពិសេសការការពារអធិបតេយ្យភាពនិងបូរណភាពទឹកដី ការដោះស្រាយជីវភាពរបស់ប្រជាពលរដ្ឋ អាចជំរុញពិពិធកម្មសេដ្ឋកិច្ច និងការអភិវឌ្ឍប្រភពថ្មីនៃ ការពង្រឹងបរិយាកាសធុរកិច្ច និងការលើកកម្ពស់វិស័យឯកជនអភិវឌ្ឍមូលធនមនុស្សនិងសង្គមបដិវត្តន៍កម្មឌីជីថលនិងអភិវឌ្ឍន៍បៃតងនិងការពង្រឹងអភិបាលកិច្ចស្ថាប័នក្នុងទិសដៅជំរុញការអនុវត្តឲ្យសម្រេចបានជោគជ័យនៃយុទ្ធសាស្ត្របញ្ចកោណដំណាក់កាលទីមួយរបស់រាជរដ្ឋាភិបាលនីតិកាលទីប្រាំពីរនៃរដ្ឋសភា។
ជាមួយនោះដែរ ឯកឧត្តមក៏បានសំណូមពរ អស់លោក លោកស្រីដែលជាអភិបាលនៃគណៈអភិបាលស្រុកក្រុងប្រធានការិយាល័យរដ្ឋបាល និងហិរញ្ញវត្ថុស្រុក ក្រុងឃុំសង្កាត់និងមន្ត្រីពាក់ព័ន្ធដែលមានវត្តមាននៅទីនេះដោយប្រើប្រាស់នូវចំណេះដឹងសមត្ថភាព និងបទពិសោធការងារខិតខំបន្ថែមទៀតប្រកបដោយឆន្ទៈនិងការរៀបចំផែនការយុទ្ធសាស្ត្រថវិកានិងគម្រោងថវិកា ដោយគោរពឲ្យបានខ្ជាប់ខ្ជួនតាមក្របខ័ណ្ឌគោលការណ៍ ទាំងបច្ចេកទេសទាំងផ្តល់ចំណូលនិងចំណាយដែលបានកំណត់ក្នុងសារាចរណែនាំនេះដើម្បីធានាឲ្យប្រាកដថាការប្រើប្រាស់ថវិកាអាចឆ្លើយតបដោយមានប្រសិទ្ធភាពទៅនឹងការសម្រេចរបស់គោល
នយោបាយនិងវិស័យអាទិភាពរបស់រដ្ឋបាលថ្នាក់ក្រោមជាតិ។
លោក បឹងគឹមសឹង ប្រធានមន្ទីរសេដ្ឋកិច្ចនិងហិរញ្ញវត្ថុបានបញ្ជាក់ថា÷ អនុលោមតាមមាត្រា ៥១ នៃច្បាប់ស្ដីពី ហិរញ្ញវត្ថុសាធារណៈ និងសារាចរស្ដីពី ប្រតិទិនសម្រាប់រៀបចំសេចក្ដីព្រាងច្បាប់ស្ដីពីហិរញ្ញវត្ថុសម្រាប់ការគ្រប់គ្រងឆ្នាំ ២០២៧ រាជរដ្ឋាភិបាលបានដាក់ចេញនូវក្របខណ្ឌហិរញ្ញវត្ថុសាធារណៈរយៈពេលមធ្យមនិងក្របខ័ណ្ឌថវិការយៈពេលមធ្យមសារាចរស្តីពីការរៀបចំផែនការយុទ្ធសាស្ត្រថវិកាឆ្នាំ២០២៧ ២០២៩ និងការរៀបចំសេចក្ដីព្រាងច្បាប់ស្ដីពីហិរញ្ញវត្ថុ សម្រាប់ការគ្រប់គ្រងឆ្នាំ២០២៧ ។ ផ្អែកលើក្របខ័ណ្ឌនិងសារាចរណែនាំ ក្រសួងសេដ្ឋកិច្ចនិងហិរញ្ញវត្ថុ បានដាក់ចេញនូវសារាចរណែនាំស្ដីពីការរៀបចំផែនការយុទ្ធសាស្ត្រថវិកា រាជធានីខេត្តឆ្នាំ២០២៧ ២០២៩ និងនីតិវិធីបច្ចេកទេសនៃការរៀបចំគម្រោងថវិការបស់រដ្ឋបាលថ្នាក់ក្រោមជាតិ ឆ្នាំ២០២៧ ដែលនឹងផ្តល់គោលការណ៍គន្លឹះនិងបច្ចេកទេសថ្មីៗ សម្រាប់ធ្វើបច្ចុប្បន្នភាពផែនការយុទ្ធសាស្ត្រថវិការាជធានីខេត្តនិងរដ្ឋបាលខណ្ឌនឹង កំណត់នូវក្របខ័ណ្ឌនិងវិធានដើម្បីបង្កើនប្រសិទ្ធភាពនៃការប្រមូលចំណូល ការកំណត់អតិថិជនចំណាយ និងអាទិភាពគោលនយោបាយរបស់រដ្ឋបាលថ្នាក់ក្រោមជាតិ ៕វណ្ណា
