ខេត្តកំពង់ស្ពឺ÷ដោយអនុវត្តតាមការដឹកនាំបញ្ជា ពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ និង ដឹកនាំបញ្ជាផ្ទាល់ដោយលោកវរសេនីយ៍ ទោ សាវ សុភក្តី  អធិការនៃអធិការដ្ឋាននគរបាលស្រុកសាមគ្គីមុនីជ័យ នៅថ្ងៃទី ០៤ ខែសីហា ឆ្នាំ​២០២៦ វេលាម៉ោង១២:៣០នាទី​ កម្លាំងអធិការដ្ឋាននគរបាលស្រុកសាមគ្គីមុនីជ័យ បានល្បាតនៅចំណុចព្រៃខាងកើតភូមិចាអោក  ឃុំភ្នំតូច  ស្រុក​សាមគ្គី​មុនីជ័យ  បាន​ឃើញ​មុខសញ្ញា​សង្ស័យ​ចំនួន ០៣ នាក់ :

   ១. ឈ្មោះ ចន នីន ហៅអាតឿ ភេទប្រុស អាយុ ២៧ ឆ្នាំ​

   ២. ឈ្មោះ ចន បញ្ញា ភេទប្រុស អាយុ ៣២ ឆ្នាំទាំងពីរនាក់រស់នៅភូមិត្រពាំងក្រឡឹង ឃុំភ្នំតូច​ ស្រុកសាមគ្គីមុនីជ័យ

   ៣. ឈ្មោះ ហម ភ័ក្រ ហៅ ម៉ាប់ ភេទប្រុស អា​យុ ៣៣ឆ្នាំ  ភូមិ​ព្រៃ​ព្រាល ឃុំភ្នំតូច ស្រុក​សាមគ្គី​មុនីជ័យ

 

  ជាក់​ស្ដែង​កម្លាំង​សមត្ថកិច្ចបាន​ឃាត់ និង ត្រួតពិនិត្យ​ឆែកឆេរ​រកឃេីញ ៖

 ម្សៅក្រាមពណ៌សសង្ស័យជាគ្រឿងញៀនចំនួន ០៣ កញ្ចាប់,ទូរស័ព្ទដៃចំនួន ០៣ គ្រឿង,ឧបករណ៍កែច្នៃសម្រាប់ប្រើប្រាសច្នៃគ្រឿងញៀនមួយចំនួន  ។

បច្ចុប្បន្នជនសង្ស័យខាងលើត្រូវបានឃាត់ខ្លួននៅអធិការដ្ឋាននគរបាលស្រុកសាមគ្គីមុនីជ័យដើម្បីកសាងសាណុំរឿងនិងចាត់ការតាមនីតិវិធីបន្ត៕