ខេត្តបាត់ដំបង÷ កាលពីថ្ងៃទី២១ ខែសីហា ឆ្នាំ២០២៦ វេលាម៉ោង១៦:៣០នាទី នៅចំណុចម៉ាត យីហោ ផ្កាច័ន្ទ ភូមិរំចេក៤ សង្កាត់រតនៈ ខេត្ត-ក្រុងបាត់ដំបង លោកវរសេនីយ៍ឯក សុខ និមលស្នងការរងផែនការងារប្រឆាំងគ្រឿងញៀនដោយមានលោកវរសេនីយ៍ទោ ប៉ាន ចាន់រិទ្ធ ជានាយការិយាល័យដឹកនាំកម្លាំងការិយាល័យជំនាញ នេះបានចុះប្រតិបត្តិការ បង្ក្រាបបានករណីប្រើប្រាស់ឧបករណ៍អេឡិចត្រូនិចសម្រាប់ជក់ (Vape) ០១ ករណី ក្នុងបទល្មើសជាក់ស្តែង និងនាំខ្លួនអ្នកប្រើប្រាស់ចំនួន០៥នាក់ស្រី០១នាក់ដែលកំពុងអង្គុយជុំគ្នានៅក្នុងទីតាំងម៉ាតខាងលេីមកកាន់ស្នងការដ្ឋានដេីម្បីសាកសួរក្នុងនោះភ្ជាប់ជាមួយរួមមាន៖
-ឧបករណ៍អេឡិចត្រូនិចសម្រាប់ជក់ (Vape) ចំនួន ០១ដើម ។
-ទូរស័ព្ទដៃចំនួន ០៤គ្រឿង និង ម៉ូតូ ០៣គ្រឿង។
បន្ទាប់ពីការសាកសួរសមត្ថកិច្ចបានហៅអាណាព្យាបាលរបស់គេមកធានា ឱ្យធ្វេីកិច្ចសន្យាបញ្ឈប់ការប្រេីប្រាស់ឧបករណ៍នេះជាបន្តទៀតនិងអនុញ្ញាតឱ្យវិលទៅលំនៅដ្ឋានវិញ។
ក្នុងនាមសមត្ថកិច្ចនគរបាលសូមរំលឹកដល់បងប្អូនម្ចាស់ទីតាំង លក់ដូរ ឬធ្វេីអាជីវកម្ម សេវាកម្មផ្សេងៗសូមចូលរួមជាមួយសមត្ថកិច្ចក្នុងការអប់រំណែនាំកុំឱ្យមាន ការប្រមូលផ្តុំប្រេីប្រាស់បារី (Vape)ដូចខាងលេី នៅទីតាំងរបស់ខ្លួន ដេីម្បីចៀសវាងការប៉ះពាល់ដល់ទីតាំងអាជីវកម្មរបស់ខ្លួនក្នុងពេលសមត្ថកិច្ចចុះបង្រ្កាប និងស្នេីឱ្យយុវជនដែលកំពុងប្រេីប្រាស់បារីអេឡិចត្រូនិច (Vape) សូមបញ្ឈប់សកម្មភាពនេះបន្តទៀត ដេីម្បីអនាគតផ្ទាល់ខ្លួននិងដេីម្បីសង្គមជាតិយេីងទាំងមូល៕
ដោយ៖ សុរិយា
