ខេត្តតាកែវ៖ បង្កងខេត្តតាកែវត្រូវបានល្បីរន្ទឺតៗគ្នាថាមានរសជាតិឆ្ងាញ់ពិសា។ រដ្ឋបាលខេត្តតាកែវ ក្រោមការដឹកនាំដោយលោក វ៉ី សំណាង អភិបាលនៃគណអភិបាលខេត្ត បានផ្ដួចផ្ដើមសាងសង់រូបសំណាកបង្កងនេះឡេីងនៅមាត់បឹងតាកែវ ក្នុងក្រុងដូនកែវ ដេីម្បីបង្ហាញពីអត្តសញ្ញាណមួយរបស់ខេត្ត។
បើយោងតាមការបញ្ជាក់ពីលោក វ៉ី សំណាង អភិបាលខេត្ត នៅលេីបណ្ដាញសង្គមហ្វេសប៊ុកផ្លូវការយ៉ាដូច្នេះថា៖ រូបសំណាកបង្កងនេះមានបណ្តោយប្រវែង ៦ម៉ែត្រ ទទឹង ប្រវែង ២,៥ម៉ែត្រ ដង្កៀប ប្រវែង ៤,៥ម៉ែត្រ។ រូបសំណាកបង្កងយក្យនេះ បានបើកសម្ពោធជាផ្លូវការនៅថ្ងៃទី៣០ ខែតុលា ឆ្នាំ២០២៦នេះ តទៅ។
រូបសំណាក បង្កង បាញ់ទឹក តុបតែងភ្លើងពណ៌ចម្រុះ នៅសួនច្បារមាត់បឹងតាកែវ នៅព្រឹកថ្ងៃទី ៣០ តុលានេះ បានសកសំបកហើយ ដើម្បីបង្ហាញសម្រស់នៅលើផ្ទៃទឹកបឹងតាកែវ ជាពិសេសត្រៀមបង្អួតសម្រស់ដល់សាធារណៈជន ស្របពេល រដ្ឋបាលខេត្តតាកែវ នឹងរៀបចំការប្រណាំងទូក រយៈពេល ២ថ្ងៃ ចាប់ពីថ្ងៃទី៣១ ខែតុលា ដល់ថ្ងៃទី១ ខែវិច្ឆិកា ឆ្នាំ២០២៦ ដោយមានទូកចូលរួមប្រណាំងសរុប ៣៦ទូក។ រូបសំណាកបង្កង ជានិមិត្តរូបម្ហូបអាហារដ៏ពេញនិយម និងល្បីសុះសាយពាសពេញប្រទេស មានឱជារសឈ្ងុយឆ្ងាញ់៕
ដោយ៖តារា
