ភ្នំពេញ៖ ជនសង្ស័យចំនួន៤នាក់ត្រូវបានកម្លាំងអន្តរាគមន៍ក្រុងសហការណ៍ជាមួយកម្លាំងអន្តរាគមន៍ពិសេសខណ្ឌសែនសុខធ្វើការឃាត់ខ្លួនខណៈពួកគេមានលាក់ទុកនូវដាវសាមូរ៉ៃ និងថ្នាំញៀននៅជាប់ខ្លួន។

ការឃាត់ខ្លួននេះធ្វើឡើងកាលពីវេលាម៉ោង១និង១៥នាទីយប់រំលងអធ្រាត្រថ្ងៃទី៦ ខែតុលា ឆ្នាំ ២០១៦ តាមបណ្តោយផ្លូវ២៧១ ភូមិត្រពាំងឈូក សង្កាត់ទឹកថ្លា ខណ្ឌសែនសុខ។

តាមប្រភពពីសមត្ថកិច្ចបានឲ្យដឹងថា មុននិងឃាត់ខ្លួនជនសង្ស័យទាំង៤ននាក់ខាងលើគឺកម្លាំងសមត្ថកិច្ចបានធ្វើការល្បាតនៅចំណុចខាងលើក៏ប្រទះឃើញជនសង្ស័យឈរហេលហាលនៅម្តុំមុខពេទ្យលោកសង្ឃមានការសង្ស័យក៏ឃាត់ឆែកឆេររកឃើញថ្នាំញៀន១កញ្ចប់និងដាវសាមូរ៉ៃ១ដើម ខណៈនោះសមត្ថកិច្ចបានប្រទះឃើញជនសង្ស័យ២នាក់ទៀតជិះម៉ូតូមួយគ្រឿងម៉ាកស៊ុយសុីគីលែត ពណ៌ខៀវ ពាក់ពាក់ស្លាកលេខភ្នំពេញ1BY-8055 បានបោះថ្នាំញៀ១កញ្ចប់ចោលហើយត្រូវកម្លាំងនគរបាលឃើញទាន់ក៏ឃាត់ខ្លួនតែម្ដង។

បច្ចុប្បន្នជនសង្ស័យទាំង៤នាក់រួមនិងវត្ថុតាងកំពុងឃាត់ខ្លួននៅអធិការដ្ឋាននគរបាលខណ្ឌសែនសុខដើម្បីចាត់ការទៅតាមនីតិវិធី ៕

ដោយ៖ តុង សីហា